Maji Ndoo Né Mba Ger Allah

Mba kari to kuramar Allah ndaà, maji ndoo né mba geree. See kuramarije ger rii lem dˈaou bbari qe rii lem wa. Bèe ya! Allah kârâ dejii kari bbaree qe ria to. Ri Allah lé to Jehova (Ginn-Néje 22:14; Matthieu 6:9). Maji kari i ndoo né ger né ge yeen ndigi lem né ge to kenji kemeeˈg lem to. Maji ger see nanje bba to kuramareeje lem nanje bba to njebanje lea lem to. Nê ger deou lé to né ge a kˈunn ndoje bula. Bible pana maji kˈinga ngira kàr kˈunda doï mba ndooˈg né ger né Jehova.​—Njé ge Éphèse 5:15-17.

Deouje ge to kuramar Allah lé ra né ge aree rolel. Enji do kuramarijeˈg. Boo lee panjaai majel kem deeˈg lem, i ra néje ge to kenji kem deeˈg lem lé see dˈa kwa sei kura kar kuree eou ya wa. Bèe el ba! Kan Allah kârâ to bèe ya to. Boo lee i ndigi to kuramar Allah ndaà, maji kar panjaai aree rolel.​—Jean 4:24.

Ginn Ta-Allahje bula lé toji reou kan kor kura qe Allah el. Jesu, ge to kuramar Allah ge ged lé pa ta woji ne do reouje joo. Yee ge kara lé tad ndaà, deouje bula dˈaou njaa kenneng. Reou neelé aou loo tujiˈg. Reou ge rang ge njon-njon lé, deouje ge dˈaou njaa kenneng bula el. Rebee neelé aou teen loo kheme ge qe nonˈg. Ta neelé méee pana boo lee i ndigi to kuramar Allah ndaà, maji kari ndoo ger goso kwa Allah meeinˈg qe goo rebee.​—Matthieu 7:13, 14.