Ndo ge ra bba Allah a kˈar paradis ree wa

Némeekonje ge aou teen do nang ge neelé toji to ge nai deb kar bbeekon le Allah ree. Luc 21:10, 11; 2 Timothée 3:1-5

Maktub le Allah pa tar leou ba as bbalje bula ketté toji ci ne néje bula ge aou teen do ciˈg bbogene. Maktub lé pana: deouje dˈa kˈwa ro dee ge bber le lar lem, dˈa kos tar le njékoji deeje reou lem, dˈa to njéra nékerm-kermje lem, dˈa ndigi mal néje ge woji do da ro dee yaan lem to.

Nang a yë qe loo bbugu-bbugu lem, rö a koso qe loo-loo lem, yoo ndag a koso do deoujeˈg qe bbee-bbee lem, bboo-bôo a koso ge loo-loo lem to. Némeekonje neelé aou to do ciˈg bacine.

Tobei Jesu pana tar ge maji ge woji do bbeekon le Allah lé, dˈa kˈilla mbéree qe looje lai-lai do nang nee.​—Matthieu 24:14.

Bbeekon le Allah a kˈar meeyèr goto. 2 Pierre 3:13

Nai deb kar Jehova tuji njémeeyèrje lai.

Cheitan qe ndilje ge yèr lé kaltar le dee lé, bean a kos tâ deeˈg bösörö.

Deen ge dˈoo tar tâ Allahˈg lé, dˈa kˈinga kaji. Deen dˈa kˈishi mee bbee ge cigi ge meekarabasur a to kenneng. Bbel a goto kenneng. Deouje dˈa kˈyan meen dee kˈar nan, dˈa ndigi nan lem to.