Jesu Kristi to na wa

1. Goso ge ban bba Allah unda né Jesu wa

Kunda ge Allah undà lé to tana ge kan deouje el. Jesu to ndil ge ishi dara leou kétté mban bba dˈojee do nang nee bei (Jean 8:23). Yeen to dongor nékunda le Allah.Yeen la qe Allah aree unda néje ge rang lai. Yeen ge karee ba Allah unda dongo.Gelee ge nee bba bbaree né Ngonnee ge kara ba kiao (Jean 1:14). Yeen bba to njekunn ta tâ Allahˈg pa ndaà bbaree né “Ta” lem to.​—Turaje Gosota-Kemkàrje 8:22, 23, 30; Njé ge Colosses 1:15, 16.

2. Mba ri bba Jesu ree do nang nee wa

Allah ula Ngonnee ge shi dara aree ree do nang nee, ar Marie ngonn mand Juive ge ger ngao el ojee. Jesu lé bau kojee ge nang nee goto (Luc 1:30-35). Jesu ree do nang nee mba (1) ndoo kankemta ge woji do Allah. (2) Ndoo ci goso ge yeen ra ne mendigi le Allah dann néurtijeˈg. (3) Ar da rea ge maji or njorong “ge nékôga do”.​—Turaje Matthieu 20:28.

3. Mba ri bba jˈaou ndôo nekôga do ci wa

Nékôga do lé to lar ge dˈuga né do deou ge tar yoo wa dea kar dee tolee el. (Teen Raga 21:29, 30). Yoo lem, bbuga lem to lé, Allah woji kétté kar dee teen do deoujeˈg el. See jeen gerje ban wa. Allah ula deou ge dongor Adam, bbo lé yeen al tar ésé ra kaiya ndaà yeen a kwei. Bbo lee Adam ra kaya el ndaà yeen a kwei el saar (Loo Kunda Ginn Néje 2:16, 17; 5:5). Bible pana to yeen ya or reou ar “yoo oso né” do deoujeˈg do nang nee lai. Nénduba ge yeen yan ar ngakeaje lai lé to kaiya lem qe nékôga do ji ge to yoo lem to. Jeen jˈaou ndôo nékôga do mba teen né ta yoo ge Adam yan ge nénduba ar ci lé.​—Turaje Njé ge Rome 5:12; 6:23.

See na bba askem kôga do ci mba kor ci ta yooˈg wa. Deou ge njekaiya kara kârâ askem kôga do kaiya le deouje ge rang el, mbata loo ge deou wei ndaà yeen ôga do kaiya lea yeen ya qe karee ba.​—Turaje Pakosje 49:8-10.

4. Mba ri bba Jesu wei wa

Jesu to tana se ci el mbata kaiya goto reaˈg. Yeen aou ndôo mba kwei mba kôga né do kaiyaje lea el—mbata yeen ra kaiya el saar. Yeen wei mbata kaiya le deouje ge rang. Loo ge Allah ula Ngonnee aree wei mba si lé yeen twoji meenoji lea ge garee goto ar deouje. Jesu kârâ twoji meenoji lea loo ge yeen illa ngonnkoji do Baubeeˈg, wei né qe mba kaiyaje le ci.​—Turaje Jean 3:16; Njé ge Rome 5:18, 19.

5. Ri bba Jesu aou ra bacinè wa

Loo ge Jesu shi né do nang neelé yeen aji njéronkonje, ndel deouje ge dˈwei, la se deouje ge dˈishi dann nékemndôojeˈg. Yeen ra bee mba twoji né ge yeen a ra mee lebje ge aou ree non ciˈg kétté mba deouje lai ge dˈilla ngonnkoji (Matthieu 15:30, 31; Jean 5:28). Loo ge Jesu wei lé, géeeˈg ndàa Allah aree tel to ndil ge ishi khemba. (1 Pierre 3:18). Tobei yeen ishi do jikol Jehovaˈg saar ar Jehova ula domong konbbee deaˈg aree to Mbai do nang nee lai (Hébreuje 10:12, 13). Bbogenè yeen aou on bbee dara. Njékwakillaje dˈaou dˈilla mbèr ta ge maji ge woji do konbbee neelé do nang nee lai.​—Turaje Daniel 7:13, 14; Matthieu 24:14.

Nai deb ndaà mbol do domong konbbee ge yeen inga lé, yeen a tuji némeekonje lai lem qe njéra némeekonje lem to. Deouje lai ge twoji meekunn le dee dˈilla ngonnkoji deaˈg lé dˈa shi mee Paradisˈg do nang nee.​—Turaje Pakosje 37:9-11.