Né Ndeji Kara Ge Des Ketté Leou

Jehova a kyan njémeeyèrje kar dee tuji Paradis el. Kuramareeje ba ya dˈa shi Paradisˈg. Nê njémeeyèrje lé ddi bba a teen do deeˈg wa. Mba ger né ge a teen do deeˈg ndaà, jˈooje sôr kankemta ge woji do Noé. Noé shi do nang nee ketté leou as leb tol-tol bula. Yeen to deou ge maji yaan, ndoje lai lé yeen ula rea ndubu mba ra mee ndigi le Allah. Nê ges deouje ge dˈishi do nang neelé, kula ra dee majel. Jehova ula Noé pana na tuji njémeeyèrje lai ge mann bélm. Yeen ula Noé pana ra kei kag mba kaji ne njémeekeije lea qe da rea lem, mba kar dee dˈwei mann bélmˈg el.​—Ginn-Néje 6:9-18.

Noé qe njémeekeije lea ra kei kag. Noé ndeji deouje to ge mann bélm a ree, nê deen dˈoo tâ lea el. Deen ra néje ge majel kem dee qe ketté. Loo ge Noé ra kei kag lé lai ndaà, yeen mbon daje kenneng. Tobei yeen ge njémeekeije lea dˈand kenneng lem to. Jehova ar lel ndi qe bôo ula. Ndi er do nang nee dann kara qe loo ndulˈg as ndo roso. Mann bélm taa nang nee pel-pel.​—Ginn-Néje 7:7-12.

Njémeeyèrje lai dˈwei nê Noé qe njémeekeije lea dˈinga kaji. Loo ge mann bélm taa loo lé, Jehova ngem Noé qe njé ge lea, nê loo ge deen teen mee kei kag raga ndaà njemeeyèr kara kârâ goto do nang nee (Ginn-Néje 7:22, 23). Bible pana mee ndoje qe le ci jeen nee kârâ gol kara bei Jehova a tuji deouje ge ndigi ra néje ge majel. Deouje ge ra né maji lé yeen a tuji dee el. Deen dˈa shi khemba qe non paradisˈg do nang nee.​—2 Pierre 2:5, 6, 9.

Bbogenè deouje bula ra néje ge majel. Né raje ge kôri-kôri to yaan do nang nee. Jehova ula Témoinje lea kar dee ndeji deouje ta-ta, nê deouje bula ndigi koo ta le Jehova el. Deen ndigi turu panjaa dee el. Deen ndigi kar Allah woji dee né ge maji esé né ge majel el lem to. Ddi bba a teen do deeˈg wa. See dˈa turu panjaa dee ndo kara bei wa. Deouje bula dˈa turu panjaa dee pai el. Waga ndaà, Jehova a tuji njémeeyèrje, kˈar dee goto qe non.​—Pakosje 92:8.

Do nang neelé a tuji el nê a tel Paradis. Deen ge to kuramar Allah lé dˈa shi khemba qe non mee Paradisˈg do nang nee.​—Pakosje 37:29.