Allah pa tar le mann bélm. See na bba oo tar teaʼg wa

Mee ndeaʼg le Noé lé, njéranéje ge majel bula yaan. Loo-Kunda-Ginn-Néje 6:5

Adam qe Eve dˈoji ngannje. Deouje ree bula do nang nee. Mee ndeaje ge neelé, kuraje ge dara ge nanje, dˈal tar tâ Allahˈg, dˈoso né gel Cheitanˈg.

Deen dˈin dara ree do nang nee dˈar kuburu ro dee tel to tana qe daro deouje ndaà, deen taa dennéje dˈoji né ngannje. Ngannje neelé ngal pur-pur lem, to deouje ge to bbel kedm-kedm lem, njéranéje ge kerm-kerm lem to.

Deouje ge njéranéje ge majel ree bula yaan. Maktub le Allah pana: meeyèr le deouje ge do nang nee to yaan lem, takenjije ge meen deeˈg lai lé woji do né ge majel ya goo kara ba qe ndo dee ndo dee lem to.

Noé oo tar tâ Allahʼg, ra bateau lem to. Loo-Kunda-Ginn-Néje 6:13, 14, 18, 19, 22

Noé to deou ge meen maji. Jehova ula Noé pana nˈwoji mba tuji njémeeyèrje qe mann bélm. To mann ndi ge a qe taa loo do nang nee pel-pel.

Tobei Allah ula Noé pana yeen qe njemeekeije lea, qe daje qe gel dee, gel dee dˈa kˈand mee bateauˈg neelé.

Noé ula deouje tar le mann bélm ge a qe taa loo lé, nê deen dˈunn mbi dee doˈg reou. Deen ge nanje dˈula sul deaˈg, deen ge rang dˈenjee bein-bein lem to.

Ndo ge Noé ra bateau lé lai ndaà, yeen mbon daje kenneng.