2 Buluka penepo, iye anaenda nayo kuna ana a Aroni akuti ndi anyantsembe. Nyantsembe anakwata pangʼono* ufa unoyu wadidi kakamwe, mafuta a azeti na olibhano onsene, mbapipisa pa guwa ya ntsembe toera Mulungu akumbuke* ntsembe+ yonsene. Ineyi ndi ntsembe yakupiswa pa moto, yakuti ndi khwema yakununkhira pamaso pa* Yahova.

9 Nyantsembe anadzakwata pangʼono ntsembe ineyi ya pyakudya, toera Mulungu akumbuke* ntsembe+ yonsene. Pontho nyantsembe anadzaipisa pa guwa ninga ntsembe yakupiswa pa moto, yakuti ndi khwema yakununkhira pamaso pa* Yahova.+

11 “‘Khala nee anakwanisa kupereka madjiwa mawiri peno ana nkhangaiwa awiri, anadzabweresa khundu yacikhumi ya efa+ ya ufa* wadidi kakamwe ninga ntsembe yakulekererwa madawo ace. Ufa unoyu nee asafunika kuubvungaza na mafuta a azeti peno olibhano, thangwi ineyi ndi ntsembe toera kulekererwa madawo. 12 Iye anadzaenda nawo kuna nyantsembe, penepo nyantsembe anadzakwata pangʼono ufa unoyu mbaupisa pa guwa ya ntsembe, ninga ntsembe zakupiswa pa moto zinaperekwa kuna Yahova, toera Mulungu akumbuke* ntsembe yonsene. Ineyi ndi ntsembe toera kulekererwa madawo.