36 Buluka ku Aroeri,+ wakuti ndi nzinda unagumanika nʼkhundu mwa Gowa* ya Arnoni, (kuphatanizambo nzinda uli mu gowa), mpaka ku Jiliyadhi, nkhabepo nzinda udapangiza kuti ndi wakuwanga kakamwe kuna ife. Yahova Mulungu wathu apereka mizinda ineyi yonsene kuna ife.+

12 Awa ndi amambo adakundwa na Aizraeli kumabulukiro a dzuwa a Yordani, akuti madziko awo, Aizraeli aakwata kutomera ku Gowa ya Arnoni*+ mpaka Kuphiri ya Ermoni+ na kumabulukiro a dzuwa konsene kwa Arabha:+ 2 Mambo Sihoni+ wa Aamori wakuti akakhala ku Esibhoni, atonga nzinda wa Aroeri+ wakuti ukhali nʼkhundu mwa Gowa ya Arnoni.*+ Cisa consene kutomera pakati pa gowa ya Arnoni mpaka ku Gowa* ya Yaboki cikhatongwa na iye. Iye atonga khundu ibodzi ya Jiliyadhi. Yaboki akhalimbo madire a Aamoni.