16 “Pa ndzidzi unoyu, ine ndapanga anyakutonga miseru pakati panu: ‘Anthu angakhala na nseru pakati pa mbumba, angabwera kudzasuma kuna imwe, musafunika kutonga mwakulungama+ nseru wa anthu anewa, mwakukhonda tsalakana khala ndi Aizraeli awiri peno Muizraeli na munthu wakunja anakhala pakati panu.+ 17 Lekani kutonga mwakukhonda kulungama.+ Munthu wangʼono musafunika kumbvesera sawasawa ninga munabvesera imwe munthu wankulu.+ Nee musafunika kugopa anthu,+ thangwi mu ndzidzi unatonga imwe muli kuimirira Mulungu;+ khala nseru ndi wakunentsa kakamwe kuna imwe, musafunika kuubweresa kuna ine, penepo ine ndinadzaubvesera.’+

7 Natenepa, musafunika kugopa Yahova.+ Citani mphole-mphole na pinacita imwe, thangwi Yahova Mulungu wathu nkhabe kutawirisa kusowa ulungami,+ tsankhulo,+ nee kudyekerwa.”+