• Neemiya 2:3
    Bhibhlya ya Dziko Ipswa

    • 3 Natenepa ine ndantawira: “Mambo, khalani na umaso mu ntsiku zizinji! Ndinakhonda tani kutsukwala uku nzinda udaikhwa ambuyanga wamala kufudzika, pontho misuwo yace yamala kupiswa na moto?”+

  • Masalmo 84:2
    Bhibhlya ya Dziko Ipswa

    •  2 Ine ndatsuwa kakamwe,

      Inde, manungo anga afewa thangwi yakufuna kakamwe

      Kuenda panyumba ya Yahova.+

      Ndakhuwa mwakutsandzaya kuna Mulungu wa mʼmaso na ntima wanga onsene, pontho na mphambvu zanga zonsene.

  • Masalmo 102:13, 14
    Bhibhlya ya Dziko Ipswa

    • 13 Mwandimomwene imwe munadzalamuka toera kubvera ntsisi Sioni,+

      Thangwi ndi ndzidzi wakumbvera ntsisi;+

      Wafika ndzidzi udakhazikiswa.+

      14 Thangwi atumiki anu asakomerwa na miyala ya Sioni,+

      Pontho iwo asafuna ngakhale pfumbi yace.+

  • Izaiya 62:1
    Bhibhlya ya Dziko Ipswa

    • 62 Thangwi ya Sioni nee ndinamatama,+

      Pontho thangwi ya Yerusalemu ndinacita pinthu

      Mpaka ulungami wace uyetimire ninga ceza,+

      Pontho cipulumuso cace cigake ninga moto.+

  • Yeremiya 51:50
    Bhibhlya ya Dziko Ipswa

    • 50 Imwe anafuna kupulumuka mbamukhonda kuphiwa na supada, pitirizani kufamba, lekani kulimira!+

      Imwe muli kutali, kumbukani Yahova,

      Pontho kumbukani Yerusalemu mʼmitima yanu.”+