• Numero 32:1
    Bhibhlya ya Dziko Ipswa

    • 32 Ana a dzindza ya Rubheni+ na ana a dzindza ya Gadhi+ akhali na pifuyo pizinji kakamwe. Iwo aona kuti Yazeri+ na Jiliyadhi pikhali pisa pyadidi toera kufuya mikumbi yawo.

  • Dheuteronomyo 3:12
    Bhibhlya ya Dziko Ipswa

    • 12 Pa ndzidzi unoyu ife takwata dziko yace: Kutomera ku Aroeri,+ cisa cinagumanika nʼkhundu mwa Gowa* ya Arnoni na hafu ya cisa ca ku mapiri a Jiliyadhi. Mizinda ineyi ndaipereka kuna dzindza ya Rubheni na ya Gadhi.+

  • Nyimbo ya Salomoni 6:5-7
    Bhibhlya ya Dziko Ipswa

    •  5 Leka kundiyangʼana,+

      Thangwi ungandiyangʼana, ntima wanga usapaluka.

      Tsisi yako ndi ninga nkumbi wa mbuzi,

      Zinatcitira pa mapiri a Jiliyadhi.+

       6 Mano ako ndi ninga nkumbi wa mabira,

      Adamala kusambiswa,

      Onsene ali na ana a mamphasa,

      Pontho nee ibodzi idaferwa na mwanace.

       7 Maputu ako mu nguwo yako yakuphimbira nayo nsolo,

      Ndi ninga mapindi mawiri a romaa idagwandwa pakati-nakati.