• Izaiya 25:10
    Bhibhlya ya Dziko Ipswa

    • 10 Thangwi djanja ya Yahova inadzapuma paphiri ineyi,+

      Pontho Moabhe anadzapondwa-pondwa pa mbuto yace+

      Ninga maudzu anapondwa-pondwa toera kucitisa mataka kukhala na ndimu.

  • Yeremiya 48:46, 47
    Bhibhlya ya Dziko Ipswa

    • 46 ‘Dzedze kuna iwe Moabhe!

      Mbumba ya mulungu Kemosi+ yafudzwa.

      Thangwi anako amuna akwatwa mbaendeswa ku ubitcu,

      Pontho anako akazi aenda ku ubitcu.+

      47 Mbwenye mu ntsiku zakumalisa, ine ndinadzagumanya mbumba ya Moabhe idaendeswa ku ubitcu,’ alonga Yahova.

      ‘Mphangwa za kutongwa kwa Moabhe zamalira pano.’”+

  • Sofoniya 2:9
    Bhibhlya ya Dziko Ipswa

    •  9 Natenepa, ine ndiri kudumbira mu dzina yanga,” alonga Yahova wa anyankhondo, Mulungu wa Izraeli,

      Moabhe anadzakhala ninga Sodhoma,+

      Pontho Aamoni anadzakhala ninga Gomora,+

      Mbuto yakuti inamera tsanga yakupfika, mbuto ya mataka a munyu, pontho mbuto yakuti kwenda na kwenda inadzakhala yakusowa anthu.+

      Ale anafuna kusala a mbumba yanga anadzatapata pinthu pyawo,

      Pontho ale anafuna kusala a dzindza yanga anadzakwata dziko yawo.