18 Mu caka cacitatu ca Ozeya+ mwana wa Ela mambo wa Izraeli, Ezekiya+ mwana wa Mambo Ahazi+ wa ku Yuda adzakhala mambo.

4 Iye afudza mbuto za padzulu,+ agomola mizati yakulambirwa yakucitwa na miyala, pontho agwisa miti yakulambirwa.*+ Kusiyapo pyenepi, iye anyedza nyoka ya nkuwa idacita Mose;+ thangwi mpaka pa ndzidzi unoyu, mbumba ya Izraeli ikhapereka ntsembe kuna nyoka ineyi, pontho iyo ikhacemerwa dzimunthu ya nyoka ya nkuwa.*

31 Pidamala iwo kucita pyenepi, Aizraeli onsene akhali penepo aenda m’mizinda ya ku Yuda, iwo agomola mizati yakulambirwa yakucitwa na miyala,+ mbagwanda miti yakulambirwa,*+ pontho iwo afudza mbuto zaulambiri+ na maguwa a ntsembe+ mu dziko yonsene ya Yuda na ku Bhenjamini kuphatanizambo ku Efraimu na ku Manase+ mpaka kuafudza onsene. Buluka penepo, Aizraeli onsene abwerera m’mizinda yawo, m’bodzi na m’bodzi aenda kunyumba kwace.