2 “Ipi ndi pidalonga Yahova Mulungu wa Izraeli: ‘Ndoko kalonge na Zedhekiya Mambo+ wa ku Yuda, mpange kuti: “Ipi ndi pidalonga Yahova: ‘Ine ndinadzapereka nzinda uno mʼmanja mwa mambo wa ku Bhabhilonya, pontho iye anadzaupisa na moto.+ 3 Imwe munadzaphatwa na mambo wa ku Bhabhilonya, thangwi mwakukhonda penula imwe munadzamangwa mbamuperekwa mʼmanja mwace,+ munadzaonana na mambo wa ku Bhabhilonya iye mbalonga na imwe nkhope na nkhope, buluka penepo munadzaendeswa ku Bhabhilonya.’+

8 Akaldheya anadzabwerera, mbamenya nkhondo na nzinda uno, iwo anadzaukunda mbaupisa na moto.”+

17 Penepo mambo Zedhekiya ancemeresa, pontho mambo ambvundza mwacibisobiso panyumba pace.+ Iye ambvundza: “Uli na mphangwa za Yahova?” Yeremiya atawira: “Ndiri nazo!” Yeremiya athimiza: “Imwe munadzaperekwa mʼmanja mwa mambo wa ku Bhabhilonya!”+