BHIBHLIYOTEKA MU INTERNETI ya Torre de Vigia

BHIBHLIYOTEKA MU INTERNETI ya Torre de Vigia

ya Torre de Vigia

2 Samweli 7:16, 17

Bhibhlya ya Dziko Ipswa
- 16 Nyumba yako na umambo wako pinakhala pyakutsidzikizika kuna iwe kwenda na kwenda; mpando wako waumambo unadzalikhiswa kwenda na kwenda.”’”+
  
  17 Natani apanga Dhavidhi mafala anewa onsene na masomphenya anewa onsene.+

2 Samweli 23:5

Bhibhlya ya Dziko Ipswa
- 5 Kodi nyumba yanga nee iri tenepo pamaso pa Mulungu?
  
  Thangwi iye acita na ine cibverano cakwenda na kwenda,+
  Cakukhazikiswa mwadidi na cakunyindirika.
  
  Nakuti cibverano ceneci cisabveka cipulumuso canga na kutsandzaya kwanga,
  Kodi si pyenepi tayu pinafuna kuncitisa kukwanirisa cibverano ceneci?+

Masalmo 89:34, 35

Bhibhlya ya Dziko Ipswa
- 34 Nee ndinadzakhonda kukwanirisa cibverano canga+
  Peno kucinja pidalonga mulomo wanga.+
  
  35 Ninga Wakucena, ine ndadumbira kabodzi basi;
  Nee ndinadzalonga uthambi kuna Dhavidhi.+

Masalmo 132:11

Bhibhlya ya Dziko Ipswa
- 11 Yahova adumbira kuna Dhavidhi;
  Mwandimomwene iye anadzakwanirisa mafalace:
  
  “Mʼbodzi wa dzindza yako,*
  Anadzakhala pa mpando wako waumambo.+

Izaiya 55:3

Bhibhlya ya Dziko Ipswa
- 3 Ndibvesereni, pontho bwerani kuna ine.+
  
  Imwe mungandibvesera, munapitiriza kukhala mʼmaso,
  Pontho ine ndinadzacita cibverano cakwenda na kwenda na imwe+
  Ine ndinadzapangiza kuna imwe ufuni wakukhonda mala* ninga udapikira ine kuna Dhavidhi.+