2 “Ungagula bitcu wakuti ndi Muhebheri,+ iye anakhala bitcu wako mu pyaka pitanthatu, mbwenye pa caka cacinomwe iye anadzakhala wakusudzuka mbaenda pyace nee kulipa cinthu.+

10 Caka 50 ndi caka cakucena pamaso pa Mulungu, pontho munadzadziwisa ufulu mu dziko yanu, kuna anthu+ onsene anakhala mu dziko yanu. Ceneci cinadzakhala Caka Caufulu kuna imwe, mʼbodzi na mʼbodzi wa imwe anadzabwerera ku mbuto idatambira iye ninga unthaka wace, mʼbodzi na mʼbodzi asafunika abwerere kuna abale ace.+

39 “‘Khala mʼbale wako anakhala pakati panu akutcerenga mbagulisika kuna iwe,+ nee usafunika kunkakamiza toera kuphata basa+ ninga bitcu. 40 Iye asafunika atsalakanwe ninga nyabasa+ peno munthu wakudza. Asafunika akuphatire basa mpaka pa Caka Caufulu. 41 Angamala, iye asafunika abuluke pabodzi na anace mbabwerera kuna abale ace. Iye asafunika abwerere ku mbuto idatambira ambuyace+ ninga unthaka wawo. 42 Thangwi iwo ndi mabitcu anga adabulusa ine mu dziko ya Ejitu.+ Nee asafunika kuguliswa ninga munaguliswa bitcu.

12 “Mʼbale wako wamamuna peno wankazi wakuti ndi Muhebheri angaguliswa kuna iwe mbakuphatira basa mu pyaka pitanthatu, pa caka cacinomwe usafunika kumpasa ufulu toera abuluke.+