-
2 Kronika 36:15, 16Bhibhlya ya Dziko Ipswa
-
-
15 Yahova Mulungu wa ambuyawo akhaacenjeza kubulukira mwa atumiki ace; akhaacenjeza mwakubwereza-bwereza, thangwi iye akhabvera ntsisi mbumba yace na mbuto yace inakhala iye.* 16 Mbwenye iwo akhasingirira atumiki a Mulungu wandimomwene,+ akhapwaza mafalace,+ pontho akhaseka aprofeta ace+ mpaka kutekera kakamwe kwakuti nee pakhalibve na cidikhiro cakuti mbadawangiswa, penepo Yahova apangiza kuipirwa kwace kuna mbumba yace.+
-
-
Izaiya 65:2Bhibhlya ya Dziko Ipswa
-
-
2 Ntsiku zonsene ine ndikhafuthula manja anga kuna mbumba yakukhonda kubvera,+
Kuna ale anafamba munjira yakuipa,+
Mbatowezera manyerezero awo;+
-
Yeremiya 7:24-26Bhibhlya ya Dziko Ipswa
-
-
24 Iwo nee abvesera peno kubvesesa mwadidi;+ mbwenye akhacita pinthu pikhanyerezera iwo, mbapitiriza kutowezera mitima yawo yakuipa,+ pontho iwo akhabwerera nduli, mbakhonda kuenda kutsogolo, 25 kutomera pa ntsiku idabuluka ambuyanu mu dziko ya Ejitu mpaka lero.+ Na thangwi ineyi, ine ndikhatuma atumiki anga onsene akuti ndi aprofeta mbabwera kuna imwe, ndikhaatuma ntsiku zonsene, pontho ndikhacita pyenepi mwakubwereza-bwereza.*+ 26 Mbwenye iwo akhonda kundibvera, pontho nee atsalakana pikhalonga ine.+ Kusiyapo pyenepi, iwo aumisa mitima yawo, mbacita pinthu pyakuipa kakamwe kupiringana pidacita ambuyawo!
-
-
Yeremiya 35:15Bhibhlya ya Dziko Ipswa
-
-
15 Ine ndikhakutumizirani atumiki anga onsene akuti ndi aprofeta, ndikhaatuma kuna imwe mwakubwereza-bwereza,+ mbandilonga: ‘Ndaphata miyendo, siyani njira zanu zakuipa+ mbamucita pinthu pyadidi, lekani kulambira alungu anango mbamuatumikira. Mungacita pyenepi munapitiriza kukhala mu dziko idapereka ine kuna imwe na kuna ambuyanu.’+ Mbwenye imwe nee mwandibvera, pontho nee mwatsalakana pidalonga ine.
-
-
-