• Yeremiya 10:21
    Bhibhlya ya Dziko Ipswa

    • 21 Thangwi akumbizi acita pinthu mwakusowa ndzeru,+

      Iwo nee aphemba ciphedzo kuna Yahova.+

      Na thangwi ineyi, iwo acita pinthu mwakusowa ndzeru,

      Pontho mabira awo onsene amala kubalaliswa.”+

  • Yeremiya 23:2
    Bhibhlya ya Dziko Ipswa

    • 2 Natenepa, ipi ndi pidalonga Yahova Mulungu wa Izraeli, kuna akumbizi anakumbiza mbumba yanga: “Imwe mwamwaza mabira anga, mwaabalalisa, mbamukhonda kuatsalakana.”+

      “Natenepa, ine ndinakutcunyusani thangwi ya pinthu pyakuipa pinacita imwe,” alonga Yahova.

  • Ezekiyeli 34:2
    Bhibhlya ya Dziko Ipswa

    • 2 “Iwe mwana wa munthu, panga akumbizi a Izraeli pinthu pinafuna kuacitikira. Longa profesiya kuna akumbizi, mbuapanga: ‘Ipi ndi pidalonga Yahova, Mbuya Wankulu Kakamwe: “Dzedze kuna akumbizi a Izraeli,+ akuti asatsalakana umaso wawo basi! Kodi akumbizi nee asafunika kutsalakana mabira?+

  • Ezekiyeli 34:6
    Bhibhlya ya Dziko Ipswa

    • 6 Mabira anga atayika mʼmapiri onsene na nʼnthunda zonsene. Mabira anga abalalika pa dziko yonsene yapantsi, mbwenye nkhabe adasaka kudziwa kuti iwo ali kupi, peno kuasaka toera kuagumana.