• Izaiya 13:20
    Bhibhlya ya Dziko Ipswa

    • 20 MʼBhabhilonya nee munadzakhalabve anthu,

      Nkhabe munthu anafuna kukhala pontho mu nzinda unoyu, kwenda na kwenda.+

      Anthu a ku Arabhya nkhabe kudzamanga nsasa mu nzinda unoyu,

      Pontho akumbizi nkhabe kudzaendesa mikumbi yawo mwenemo toera ikapume.

  • Izaiya 14:23
    Bhibhlya ya Dziko Ipswa

    • 23 Yahova wa anyankhondo alonga: “Ndinadzacitisa Bhabhilonya kukhala mbuto ya nungu na ya matope, pontho ndinadzampswaira na mpswairo wakufudza nawo.”+

  • Yeremiya 50:3
    Bhibhlya ya Dziko Ipswa

    •  3 Thangwi kunkwiriro kwabuluka mbumba mbibwera kudzamenyana na iwo.+

      Mbicitisa dziko yawo kukhala cinthu cakugopesa;

      Nkhabebve munthu anakhala mwenemu.

      Anthu na pinyama pyene pyamala kuthawa;

      Iwo athawa.”

  • Yeremiya 50:39
    Bhibhlya ya Dziko Ipswa

    • 39 Na thangwi ineyi, pinyama pya nʼthando pinadzakhala mu dziko ineyi pabodzi na pinyama pyakuti nkhabe kulira mwakugaluza,

      Pontho mwenemu munadzakhala na mbalame zinacemerwa avestruji.+

      Dziko ineyi cipo inadzakhala pontho na anthu,

      Nkhabebve munthu anafuna kukhala mwenemu, kwenda na kwenda.”+

  • Yeremiya 51:29
    Bhibhlya ya Dziko Ipswa

    • 29 Dziko inadzatetemera, mbitekenyeka,

      Thangwi pinanyerezera Yahova toera kucitira Bhabhilonya pinadzacitika,

      Toera kucitisa dziko ya Bhabhilonya kukhala cinthu cakugopesa, mbaisiya yakusowa anthu.+