• Yeremiya 4:10
    Bhibhlya ya Dziko Ipswa

    • 10 Penepo ine ndalonga: “Mama ine pano Yahova, Mbuya Wankulu Kakamwe! Mwandimomwene imwe musanyengeza kakamwe mbumba iyi+ na ya ku Yerusalemu, mungalonga kuti: ‘Imwe munadzakhala na ntendere,’+ mu ndzidzi wakuti supada iri pakhosi pathu.”*

  • Yeremiya 5:31
    Bhibhlya ya Dziko Ipswa

    • 31 Aprofeta asalonga maprofesiya authambi,+

      Anyantsembe asaphatisira mphambvu zawo toera kuponderera anthu,

      Pontho mbumba yanga isakomerwa na pinthu pyenepi.+

      Mphapo munacitanji kumala kungafika?”

  • Yeremiya 6:13, 14
    Bhibhlya ya Dziko Ipswa

    • 13 “Kutomera wangʼono mpaka wankulu, onsene asawina pinthu munjira yakukhonda kulungama;+

      Kutomera mprofeta mpaka nyantsembe, onsene asabera andzawo.+

      14 Iwo asayesera kukondza pironda pya mbumba yanga mwaciphamaso, mbalonga:

      ‘Pali na ntendere! Pali na ntendere!’*

      Mu ndzidzi wakuti nkhabepo ntendere.*+

  • Yeremiya 23:16, 17
    Bhibhlya ya Dziko Ipswa

    • 16 Ipi ndi pidalonga Yahova wa anyankhondo:

      “Lekani kubvesera mafala a aprofeta anakupangani maprofesiya.+

      Iwo asakunyengezani.*

      Masomphenya analonga iwo asabuluka mʼmitima yawo,+

      Tayu pamulomo wa Yahova.+

      17 Kuna ale anandipwaza, iwo asaapanga mwakubwereza-bwereza kuti:

      ‘Yahova alonga: “Munadzakhala na ntendere.”’+

      Kuna ale anapitiriza kubvera mitima yawo, iwo asaapanga:

      ‘Nee nyatwa ibodzi inafuna kukugwerani.’+

  • Yeremiya 27:8-10
    Bhibhlya ya Dziko Ipswa

    • 8 “‘“‘Dzindza peno umambo ungakhonda kutumikira Nabhukodhonozore mambo wa ku Bhabhilonya, pontho ungakhonda kuikha khosi yawo mu goli ya mambo wa ku Bhabhilonya, ine ndinatcunyusa dzindza ineyi na supada,+ na njala, pontho na utenda, mpaka ndingamala kuafudzisa na Nabhukodhonozore,’ alonga Yahova.

      9 “‘“‘Natenepa, lekani kubvera aprofeta anu, anyakulotera anu, anyakufokotoza ndoto, nee ale anakhulupira mizimu, nee mangʼanga anu, ale anakupangani kuti: “Imwe nee munadzatumikira mambo wa ku Bhabhilonya.” 10 Thangwi iwo asalonga maprofesiya authambi kuna imwe, na thangwi ineyi, imwe munadzakwatwa mbamuendeswa kutali na dziko yanu, ine ndinadzakubalalisani, pontho imwe munadzafudzwa.

  • Ezekiyeli 13:10
    Bhibhlya ya Dziko Ipswa

    • 10 Pyonsene ipi pinadzacitika thangwi iwo asapeusa mbumba yanga, mbalonga: “Pali na ntendere!”,+ mu ndzidzi wakuti nkhabe ntendere. Munthu angamanga pfufu yakukhonda wanga, iwo asaikhwaza ntoto.’*+

  • Mikeya 3:11
    Bhibhlya ya Dziko Ipswa

    • 11 Atsogoleri ace asatonga mwakudyekerwa,+

      Anyantsembe ace asapfundzisa toera kulipwa,+

      Aprofeta ace asacita pyakulotera toera kupaswa kobiri.*+

      Ngakhale tenepo iwo asanyerezera kuti asanyindira Yahova mbalonga:

      “Kodi Yahova nee ali na ife?+

      Nkhabe nyatwa inafuna kutigwera.”+