• Dheuteronomyo 30:1-3
    Bhibhlya ya Dziko Ipswa

    • 30 “Pinthu pyenepi pyonsene pidalongwa mʼmafala anewa pingakucitikirani, nkhombo na dzedze idaikha ine pakati panu,+ pontho imwe mungakumbuka+ mafala anewa pakati pa mbumba zonsene zinafuna kukubalalisani Yahova Mulungu wanu,+ 2 mungabwerera kuna Yahova Mulungu wanu,+ imwe pabodzi na ananu, mbamubvera fala yace na ntima wanu onsene, na umaso wanu onsene,+ mwakubverana na pinthu pyonsene pinakupangani ine lero, 3 Yahova Mulungu wanu anakubweresani pontho kuno buluka ku ubitcu wanu;+ iye anakubverani ntsisi,+ mbakugumanyani pontho buluka ku madzindza adakubalalisani Yahova Mulungu wanu.+

  • Yeremiya 3:18
    Bhibhlya ya Dziko Ipswa

    • 18 “Mu ntsiku zenezi, anthu a ku Yuda na anthu a ku Izraeli anadzafamba pabodzi pene,+ iwo anadzabuluka pabodzi pene ku dziko yakunkwiriro mbaenda ku dziko idapasa ine ambuyanu ninga unthaka.+

  • Yeremiya 24:6
    Bhibhlya ya Dziko Ipswa

    • 6 Ndinapitiriza kuaonera toera pinthu piafambire mwadidi, ine ndinadzaabweresa pontho mu dziko ino.+ Ndinadzaawangisa, pontho nee ndinadzaafudza; ndinadzaatceka, pontho nee ndinadzaadula.+

  • Yeremiya 30:3
    Bhibhlya ya Dziko Ipswa

    • 3 Thangwi “ziri kufika ntsiku,” alonga Yahova, “zakuti ine ndinadzagumanya mbumba yanga idaendeswa ku ubitcu, yakuti ndi Izraeli na Yuda,”+ alonga Yahova, “ine ndinadzaabweresa pontho mu dziko idapasa ine ambuyawo, pontho iwo anadzatambira dziko ineyi mbikhala yawo.”’”+

  • Yeremiya 32:37
    Bhibhlya ya Dziko Ipswa

    • 37 ‘ine ndinadzaagumanya buluka mʼmadziko onsene adaabalalisa ine thangwi yakuipirwa kwanga, kubva kwanga kupha muntima na ukali wanga ukulu,+ pontho ine ndinadzaabweresa pa mbuto ino toera akhale mwakutsidzikizika.+

  • Amosi 9:14
    Bhibhlya ya Dziko Ipswa

    • 14 Ine ndinadzabweresa mbumba yanga ya Izraeli idaendeswa ku ubitcu,+

      Iwo anadzamanga pontho mizinda idamala kufudzwa mbakhala mwenemo;+

      Iwo anadzatceka miti ya mauva mbamwa vinyu yace,+

      Pontho iwo anadzalima minda ya misapo mbadya misapo yace.’+