15 Yahova Mulungu wa ambuyawo akhaacenjeza kubulukira mwa atumiki ace; akhaacenjeza mwakubwereza-bwereza, thangwi iye akhabvera ntsisi mbumba yace na mbuto yace inakhala iye.* 16 Mbwenye iwo akhasingirira atumiki a Mulungu wandimomwene,+ akhapwaza mafalace,+ pontho akhaseka aprofeta ace+ mpaka kutekera kakamwe kwakuti nee pakhalibve na cidikhiro cakuti mbadawangiswa, penepo Yahova apangiza kuipirwa kwace kuna mbumba yace.+

33 Imwe mwakhala wakulungama mu pinthu pyonsene pidaticitikira, thangwi mwacita pinthu mwakukhulupirika; mbwenye ife tacita pinthu pyakuipa.+

7 Yahova, imwe ndimwe wakulungama, ife ndzidzi onsene tisacita pinthu pyakuti pisatibweresera manyadzo, ninga lero. Inde, tonsene tadzala na manyadzo kuphatanizambo anthu anakhala ku Yuda, anthu anakhala ku Yerusalemu na Aizraeli onsene, ale anakhala dhuzi na ale anakhala kutali, mʼmadziko onsene adaabalalisa imwe thangwi ya pinthu pyakuipa pidakucitirani iwo.+

16 Yahova, mwakubverana na mabasa anu onsene akulungama,+ taphata miyendo, bulusani ukali wanu na kuipirwa kwanu mu nzinda wanu wa Yerusalemu, phiri yanu yakucena; anthu onsene adatizungulira,+ asaseka Yerusalemu na mbumba yanu thangwi ya madawo athu na madodo a ambuyathu.