• Izaiya 3:18-23
    Bhibhlya ya Dziko Ipswa

    • 18 Pa ntsiku ineyi, Yahova anadzabulusa pyakubalikisa pyawo pyonsene: mapulusera awo a mʼmphundupundu,

      Makanʼdedzi na pyakubalikisa pinango pyakulandana na mwezi,+

      19 Mphete zawo za mʼmakutu, mapulusera a mu nkono na nguwo zakuphimbira nazo nsolo,

      20 Madhunku, mikufu ya mʼmphundupundu na mabhande akubalikisa nawo,

      Mitete ya mafuta akununkhira na pithumwa,

      21 Mphete za mʼpyala na mphete zinaikhwa pa mphuno,

      22 Nguwo zakulapha zinabvalwa pa ntsiku zakupambulika, tunika inabvalwa padzulu pa inango, makapoti na pikhwama,

      23 Masupeyu+ mangʼono na nguwo za linyu,

      Nguwo zinamangwa munsolo na nguwo zakuphimbira nazo nsolo.

  • Yeremiya 4:30
    Bhibhlya ya Dziko Ipswa

    • 30 Nakuti cincino wamala kufudzwa, unacitanji pontho?

      Iwe ukhabvala nguwo zadidi kakamwe,*

      Ukhabalikisa manungo ako na pyakubalikisa pya ouro,

      Mbukhwaza maso ako na tinta yakupswipa.

      Mbwenye kubalikisa kwako manungo kukhali kwapezi,+

      Thangwi ale akhakufuna akukhonda;

      Cincino iwo asafuna kukupha.+

  • Ezekiyeli 16:39
    Bhibhlya ya Dziko Ipswa

    • 39 Ine ndinadzakupereka mʼmanja mwawo, iwo anadzafudza nthunda zako, pontho anadzagomola mbuto zako zaulambiri.+ Iwo anadzakukwatira pinthu pyako pyadidi kakamwe pyakubalikisa napyo manungo,+ anadzakudulisa nguwo zako,+ mbakusiya cipezipezi.