Samweli Waciwiri
23 Awa ndi mafala akumalisa a Dhavidhi:+
“Mafala a Dhavidhi mwana wa Yese,+
Pontho ndi mafala a mamuna adapaswa mbiri,+
Nyakudzodzwa+ wa Mulungu wa Yakobe,
Nyakuimba wadidi wa nyimbo+ za Izraeli.
‘Munthu anatonga anthu angakhala wakulungama,+
Mbatonga mwakugopa Mulungu,+
4 Utongi wace usakhala ninga ceza camacibese, dzuwa ingabuluka+
Macibese akusowa mitambo.
Ndi ninga ceza cinaoneka madzi angamala kubvumba,
Mbicicitisa tsanga kumera pa dziko yapantsi.’+
5 Kodi nyumba yanga nee iri tenepo pamaso pa Mulungu?
Thangwi iye acita na ine cibverano cakwenda na kwenda,+
Cakukhazikiswa mwadidi na cakunyindirika.
Nakuti cibverano ceneci cisabveka cipulumuso canga na kutsandzaya kwanga,
Kodi si pyenepi tayu pinafuna kuncitisa kukwanirisa cibverano ceneci?+
6 Mbwenye anthu onsene akuipa anadzaataya+ ninga matsandzo a minga,
Thangwi iwo nkhabe phatwa na manja.
7 Thangwi munthu anafuna kuaphata,
Asafunika kukhala na pida pya utale na dipa,
Pontho iwo asafunika kupiswa na moto pa mbuto inagumanika iwo.”
8 Awa ndi madzina a anyankhondo amphambvu a Dhavidhi:+ Yosebhi-Bhasibheti wa dzindza ya Takimoni, ntsogoleri wa anyankhondo atatu amphambvu.+ Ntsiku inango, iye apha amuna 800 na dipa yace. 9 Buluka iye, unango akhali Eleazare+ mwana wa Dhodho+ mwana wa Aoite. Iye akhali m’bodzi wa anyankhondo atatu amphambvu akuti akhali na Dhavidhi pidaenda iwo kasosa Afilisti. Afilisti akhadagumanyikana toera kumenya nkhondo, mbwenye mu ndzidzi udathawa Izraeli, 10 iye alimira mbapitiriza kupha Afilisti mpaka nkono wace kuneta, mbwenye iye nee asiya supada.+ Natenepa Yahova aacitisa kuwina kakamwe* pa ntsiku ineyi;+ buluka penepo anyankhondo atowera Eleazare toera kukwata pinthu pya anthu adaphiwa.
11 Buluka iye, unango akhali Sama mwana wa Agi wa ku Arari. Mu ndzidzi udafika Afilisti ku Lei pa mbuto ikhali na munda wa nyemba, anyankhondo athawa thangwi ya Afilisti. 12 Mbwenye iye alimira pakati pa munda mbautsidzikiza, pontho iye apitiriza kupha Afilisti, natenepa Yahova aphedza mbumba yace toera kuwina kakamwe.*+
13 Mu ndzidzi wakubvuna, atatu mwa atsogoleri 30 aenda kaonana na Dhavidhi n’dzimba ya Adhulamu.+ Pa ndzidzi unoyu Afilisti akhadamanga misasa yawo ku Gowa ya Refaimu.+ 14 Dhavidhi akhali ku mbuto yakunentsa kufikako,+ pontho ku Bhetelehemu kukhali anyankhondo anango a Afilisti. 15 Dhavidhi alonga: “Ine mbandidakomerwa kakamwe kumwa madzi a mu ncera wakuti uli dhuzi na nsuwo ukulu wa ku Bhetelehemu.” 16 Penepo anyankhondo atatu amphambvu awangisira mbapita pakati pa misasa ya Afilisti, atunga madzi mu ncera wakuti ukhali dhuzi na nsuwo ukulu wa ku Bhetelehemu mbaabweresa kuna Dhavidhi; iye akhonda kumwa madzi anewa, mbaathirira pantsi ninga muoni kuna Yahova.+ 17 Iye alonga: “Yahova, ine cipo ndinacita pinthu pyenepi! Pinacitika tani kuti ine ndimwe ciropa+ ca amuna adaikha umaso wawo pangozwi?” Natenepa iye akhonda kumwa madzi anewa. Pyenepi ndi pinthu pidacita anyankhondo atatu amphambvu a Dhavidhi.
18 Abhisai+ m’bale wace Yoabhe mwana wa Zeruya+ akhali ntsogoleri wa anyankhondo anango atatu amphambvu; ntsiku inango, iye apha amuna 300 na dipa yace, pontho iye adzakhalambo wakubvekera ninga anyankhondo anango atatu.+ 19 Maseze iye akhali wakubvekera kakamwe pakati pa anyankhondo anango atatu, pontho akhali ntsogoleri wawo, iye nee afika pakukhala na cidzo ninga cikhali na anyankhondo atatu akutoma.
20 Bhenaya+ mwana wa Yeoyadha akhali mamuna wacipapo wakuti akhadacita pinthu pizinji ku Kabhizeli.+ Iye apha ana awiri a Ariyeli wa ku Moabhe, apita n’djenje pa ntsiku ya nkhungwi, mbapha nkhalamu.+ 21 Kusiyapo pyenepi, iye apha mamuna wankulu kakamwe wa ku Ejitu. Maseze mamuna unoyu wa ku Ejitu akhali na dipa m’manja mwace, Bhenaya aenda kamenyana naye na ndodo. Iye apokosera dipa mamuna unoyu wa ku Ejitu mbamupha nayo. 22 Pyenepi ndi pinthu pidacita Bhenaya mwana wa Yeoyadha, pontho iye adzakhalambo wakubvekera ninga anyankhondo atatu amphambvu. 23 Maseze akhali wakubvekera kakamwe kupiringana amuna 30, iye nee afika pakukhala na cidzo ninga cikhali na anyankhondo atatu amphambvu. Mbwenye Dhavidhi ansankhula toera akhale nyankhondo wace wakumuonera.
24 Azaeli+ m’bale wace Yoabhe akhali m’bodzi wa anyankhondo 30: Elanani mwana wa Dhodho wa ku Bhetelehemu,+ 25 Sama wa ku Arodhi, Elika wa ku Arodhi, 26 Elezi+ wa ku Bheti-Peleti,* Ira+ mwana wamamuna wa Ikesi wa ku Tekoa, 27 Abhiezeri+ wa ku Anatote,+ Mebhunai wa ku Usa,* 28 Zalmoni wa dzindza ya Aoite, Marai+ wa ku Netofa, 29 Elebhi mwana wa Bhana wa ku Netofa, Itai mwana wa Ribhai wa ku Jibheya wa dzindza ya Bhenjamini, 30 Bhenaya+ wa ku Piratoni, Idhai wa ku gowa* ya Gasi,+ 31 Abhi-Albhoni wa ku Bheti-Arabha, Azimaveti wa ku Bhaurimu, 32 Eliabha wa ku Salbhimu, ana amuna a Yaseni, Yonatani, 33 Sama wa ku Arari, Aiyamu mwana wa Sarari wa ku Arari, 34 Elifeleti mwana wa Azibhai mwana wa dzindza ya Maakati, Eliyamu mwana wa Aitofeli+ wa ku Jilo, 35 Eziro wa ku Karmelo, Parai wa ku Arabhya, 36 Igali mwana wa Natani wa ku Zobha, Bhani wa dzindza ya Gadhi, 37 Zeleki wa dzindza ya Amoni, Naarai wa ku Bheroti nyakuthukula pida pya nkhondo pya Yoabhe mwana wa Zeruya, 38 Ira wa m’banja ya Itiri, Garebhi wa m’banja ya Itiri,+ 39 na Uriya+ wakuti ndi Mueti. Onsene akhali 37.