Numero
24 Bhalamu pidaona iye kuti Yahova akhakomerwa kupasa nkhombo Aizraeli, nee asakabve pinthu* pinango toera kupasa dzedze,+ mbwenye azungunuka mbayangʼana kuthando. 2 Bhalamu pidalamusa iye maso ace mbaona Aizraeli akhali mʼmisasa yawo mwakubverana na madzindza+ awo, penepo nzimu wa Mulungu wapita muna iye.+ 3 Natenepa iye alonga mafala awa:+
“Mafala a Bhalamu mwana wa Bheori,
Mafala a munthu wakuti maso ace afungulwa,
4 Pinalonga ule anabva mafala a Mulungu,
Wakuti aona masomphenya a Wamphambvu
Zonsene,
Adagwa pantsi mu ndzidzi wakuti maso ace akhali akufunguka:+
5 Iwe Yakobe, misasa yako ndi yakubalika maningi,
Iwe Izraeli,+ makumbi ako ndi akubalika!
6 Ninga magowa,* misasa yako yandandalika mpaka kutali,+
Ninga minda* iri nʼkhundu mwa nkulo,
Ninga miti ya alowe idatcekwa na Yahova,
Ninga miti ya sedhro iri nʼkhundu mwa madzi.
8 Mulungu amʼbweresa buluka ku Ejitu;
Iye ndi ninga nyanga za nyati* kuna iwo.
Iye anadzafudza anthu a madzindza anango, ale anambvuya,+
Anadzatafuna* magogodo awo, mbaaswa na mapswimo ace.
9 Iye agodama pantsi, mbagona ninga nkhalamu,
Pontho ninga nkhalamu, mbani ali na cipapo cakuenda kamulamusa?
Ale anampasa nkhombo asapaswa nkhombo,
Ale anampasa dzedze asapaswa dzedze.”+
10 Penepo Bhalaki aipirwa kakamwe na Bhalamu. Bhalaki aimba manja mwakupwaza, mbapanga Bhalamu: “Ine ndakucemera+ toera upase dzedze anyamalwa anga, mbwenye nkhabe cidacita iwe, mpaka pano waapasa nkhombo katatu. 11 Cincino ndoko pyako kunyumba kwako. Ine ndikhafuna kukulemedza kakamwe,+ mbwenye Yahova akukhondera cilemedzo.”
12 Bhalamu apanga Bhalaki: “Ine ndapanga kale anthu adatuma iwe kuti: 13 ‘Maseze Bhalaki andipase nyumba yace yakudzala na parata na ouro, ine nee mbidacita cinthu cinafuna ine,* cadidi peno cakuipa, cakuti ndi cakusiyana na pidalonga Yahova. Basi ene ndinalonga pire pinandipanga+ Yahova.’ 14 Cincino, ine ndiri kuenda kuna mbumba yanga. Mbwenye mbandidzati kuenda, ndisafuna ndikudziwise pinafuna kucita anthu anewa kuna mbumba yako ntsogolo.”* 15 Natenepa iye alonga mafala awa:+
“Mafala a Bhalamu mwana wa Bheori,
Mafala a munthu wakuti maso ace afungulwa,+
16 Pinalonga ule anabva mafala a Mulungu,
Ule wakuti ali na cidziwiso ca Wankulu Kakamwe,
Iye aona masomphenya a Wamphambvu Zonsene,
Mu ndzidzi udagwa iye pantsi maso ace mbali akufunguka:
17 Ine ndinadzamuona, mbwenye tayu cincino;
Ine ndinadzamuyangʼanisa, mbwenye iye nee ali dhuzi.
18 Edhomi anadzatapatwa;+
Inde, Seiri+ anadzatapata anyamalwa ace,+
Mu ndzidzi wakuti Izraeli anadzapangiza cipapo cace.
19 Munthu wa dzindza ya Yakobe anadzatonga,+
Iye anadzapha anthu onsene anafuna kupulumuka mu nzinda.”
20 Pidaona iye Amaleki, Bhalamu apitiriza kulonga mafalace:
“Amaleki ndi mbumba idatoma* pakati pa anthu a madzindza+ anango,
Mbwenye pakumalisa, iwo anadzafudzwa.”+
21 Pidaona iye Akeneu,+ iye apitiriza kulonga mafalace:
“Mbuto inakhala iwe ndi yakutsidzikizika, pontho yamangwa mwakuwanga pamwala.
22 Mbwenye alipo anafuna kudzapisa Akeneu na moto.
Kodi Asirya anakuendesani lini ku ubitcu?”
23 Iye apitiriza kulonga mafalace:
“Mama ine pano! Mbani anafuna kupulumuka Mulungu angacita pyenepi?
24 Maxitima* anabwera buluka ku magombe a Kitimu,+
Iwo anadzaonesa nyatwa Asirya,+
Pontho anadzathabusa Ebheri.
Mbwenye iyembo anadzafudzwa, mbamaliratu.”
25 Bhalamu+ abuluka penepo mbabwerera pyace. Bhalaki aendambo pyace.