Ezekiyeli
9 Penepo iye acemera mwakugaluza, mbalonga: “Cemeresani ale anafuna kufudza nzinda, mʼbodzi na mʼbodzi asafunika kuphatirira mʼmanja mwace cida cakufudza naco!”
2 Ine ndaona amuna atanthatu mbakabwera buluka kukhundu ya nsuwo ukulu wa kunthunda,+ kukhundu yakunkwiriro; mʼbodzi na mʼbodzi akhadaphatirira mʼmanja mwace cida cace cakufudza naco; iwo akhali pabodzi na munthu adabvala nguwo za linyu, wakuti akhali na cakulemba naco ca mulembi ncunu mwace. Iwo apita, mbalimira dhuzi na guwa ya nkuwa.+
3 Buluka penepo, mbiri ya Mulungu wa Izraeli+ yathukuka pa mbuto ikhali iyo padzulu pa akerubhi, mbienda pansuwo wa templo.+ Iye acemera munthu adabvala nguwo zakulukwa,* wakuti akhali na cakulemba naco ca mulembi ncunu mwace. 4 Yahova ampanga: “Pakasa nzinda onsene, pakasa Yerusalemu, ikha cidzindikiro pa nkhope za anthu onsene anatsukwala, mbabulira*+ thangwi ya pinthu pyonsene pyakunyanyasa pinacitwa mu nzinda unoyu.”+
5 Ine ndabva iye mbakapanga anango: “Ndokoni nduli mwace, pakasani nzinda mbamupha anthu. Lekani kuabvera ntsisi,+ nee kuatsalakana. 6 Musafunika kupha onsene: Ankhalamba, aphale, atsikana, akazi na anapiana.+ Mbwenye lekani kufendezera munthu adaikhwa cidzindikiro.+ Musafunika kutoma pa mbuto yanga yakucena.”+ Natenepa, pakutoma iwo apha akulu-akulu* akhali kutsogolo kwa templo.+ 7 Buluka penepo iye aapanga: “Pswipisani templo mbamudzadza makhonde na anthu akufa.+ Ndokoni!” Penepo iwo atoma kupha anthu mu nzinda.
8 Mu ndzidzi ukhapha iwo anthu, ndine basi adasala, penepo ine ndagodama, ndakotamisa nsolo wanga mpaka pantsi, mbandilonga: “Mama ine pano Yahova, Mbuya Wankulu Kakamwe! Munaphadi anthu onsene adasalikira mu Izraeli, mbamupangiza ukali wanu mu Yerusalemu?”+
9 Penepo iye andipanga: “Madawo a mbumba ya Izraeli na madawo a mbumba ya Yuda ndi makulu kakamwe.+ Dziko yadzala na ciropa ca anthu adaphiwa,+ pontho nzinda wadzala na anthu anacita pinthu pyakukhonda kulungama.+ Thangwi iwo asalonga: ‘Yahova abuluka mu dziko ino,* Yahova nee ali kutiona.’+ 10 Mbwenye ine nkhabe kudzaabvera ntsisi,+ nee kuatsalakana. Ndinadzaatcunyusa mwakubverana na macitiro awo.”
11 Buluka penepo, ine ndaona munthu adabvala nguwo zakulukwa,* wakuti akhali na cakulemba naco ca mulembi ncunu mwace, iye abwerera, mbalonga: “Ine ndacita ninga mudandipanga imwe.”