Samweli Wakutoma

15 Samweli apanga Sauli: “Yahova andituma toera ndikudzodze kuti ukhale mambo wa mbumba yace, Izraeli;+ cincino bvesera pinafuna kulonga Yahova.+ 2 Yahova wa anyankhondo alonga tenepa: ‘Ine ndinabwezera Aamaleki thangwi iwo amenyana na Aizraeli mu ndzidzi ukhabuluka iwo ku Ejitu.+ 3 Cincino ndoko kakunda Aamaleki,+ mbuafudza+ pabodzi na pinthu pyonsene piri na iwo. Leka kuasiya,* usafunika kupha+ amuna na akazi ene, ana na akhombwani ene, ngʼombe na mabira, makamelo na maburu.’”+ 4 Sauli acemeresa anyankhondo mbaalengesa ku Telayimu: Akhalipo anyankhondo 200.000 a madzindza anango a Izraeli na anyankhondo 10.000 a Yuda.+

5 Sauli pabodzi na anyankhondo ace aenda mpaka ku nzinda wa Amaleki, mbabisala dhuzi na gowa.* 6 Buluka penepo, Sauli apanga Akeneu:+ “Bulukani pakati pa Aamaleki toera ndikhonde kukuphani pabodzi na iwo.+ Thangwi imwe mwapangiza ufuni wanu wakukhonda mala kuna mbumba yonsene ya Izraeli+ pikhabuluka iyo ku Ejitu.” Natenepa Akeneu abuluka pakati pa Aamaleki. 7 Buluka penepo, Sauli apha Aamaleki+ kutomera ku Avila+ mpaka ku Suri,+ dhuzi na Ejitu. 8 Iye aphata Agagi+ mambo wa Aamaleki mbali mʼmaso, mbwenye anthu anango onsene iye aapha na supada.+ 9 Mbwenye Sauli na anyankhondo ace nee apha* Agagi, mabira adidi kakamwe na ngʼombe zadidi kakamwe, pinyama pyakununa, mabira amuna na pinthu pyonsene pyadidi.+ Iwo nee apha pinthu pyenepi. Mbwenye afudza pinthu pyonsene pyakusowa basa na pyakukhonda funika.

10 Buluka penepo Yahova apanga Samweli: 11 “Ndiri kusandikika* thangwi ya kukhazikisa Sauli ninga mambo, thangwi iye andipasira nkhodolo mbakhonda kucita pidampanga ine.”+ Natenepa Samweli atsukwala kakamwe, mbalira kuna Yahova masiku amumphu.+ 12 Pidalamuka Samweli mangwana mwace namacibese toera kaonana na Sauli, apangwa: “Sauli aenda ku Karmelo,+ kweneko iye acita nzati wa miyala toera apasike mbiri.+ Buluka penepo iye aenda ku Jiligale.” 13 Samweli pidafika iye kuna Sauli, Sauli ampanga: “Yahova akupaseni nkhombo. Ine ndacita pidalonga Yahova.” 14 Mbwenye Samweli ambvundza: “Thangwi yanji ndiri kubva kulira kwa mabira na ngʼombe?”+ 15 Sauli atawira: “Pyenepi tapikwatira Aamaleki, anyankhondo nee apha mabira na ngʼombe zadidi kakamwe thangwi asafuna kupipereka ninga ntsembe kuna Yahova Mulungu wanu; mbwenye pinango tamala kupifudza.” 16 Natenepa Samweli apanga Sauli: “Matama! Dikhira ndikupange pidandipanga Yahova masiku.”+ Iye atawira: “Ndipangeni!”

17 Samweli alonga: “Kodi iwe nee ukhaoneka+ ninga wakupwazika kakamwe pidakhazikiswa iwe toera ukhale ntsogoleri wa madzindza a Izraeli, pontho pidakudzodza Yahova toera ukhale mambo wa Izraeli?+ 18 Mukupita kwa ndzidzi, Yahova akutuma mbakupanga: ‘Ndoko ukaphe+ Aamaleki akuti ndi anthu akudawa. Menyana nawo mpaka kuamalisa onsene.’+ 19 Mphapo thangwi yanji nee wabvera Yahova? Mʼmbuto mwakubvera, iwe wathamangira pinthu+ pya anyamalwa adakunda iwe, pontho wacita pinthu pyakuipa pamaso pa Yahova!”

20 Mbwenye Sauli apanga Samweli: “Ine ndabvera Yahova! Ndaenda kacita pidandipanga Yahova, ndabweresa Agagi mambo wa Aamaleki, mbandipha Aamaleki onsene.+ 21 Mbwenye anyankhondo akwata mabira na ngʼombe, pinthu pyadidi kakamwe mwa pire pyakuti pikhafunika kufudzwa, toera kupereka ntsembe kuna Yahova Mulungu wanu ku Jiligale.”+

22 Penepo Samweli alonga: “Kodi Yahova asakomerwa kakamwe na ntsembe zakupiswa na ntsembe zinango+ kupiringana kubvera fala ya Yahova? Kubvera ndi kwakufunika kakamwe kupiringana ntsembe,+ pontho kubvesera mwadidi ndi kwakufunika kakamwe kupiringana mafuta+ a mabira amuna; 23 thangwi kukhonda bvera+ ndi sawasawa na madawo akucita pyakulotera,+ pontho kudzikuza ndi sawasawa na kucita pyamizimu na kulambira madzimunthu.* Nakuti wakhonda kubvera Yahova,+ iye akukhondambo toera ukhale mambo.”+

24 Buluka penepo Sauli apanga Samweli: “Ine ndadawa, thangwi nee ndabvera ntemo wa Yahova na mafala adalonga imwe, ndagopa anthu mbandicita pidalonga iwo. 25 Ndaphata miyendo, ndilekerereni madawo anga, pontho bwererani pabodzi na ine toera ndikalambire Yahova.”+ 26 Mbwenye Samweli apanga Sauli: “Ine nkhabe kubwerera na iwe, thangwi wakhonda kubvera Yahova, pontho Yahova akukhonda toera upitirize kukhala mambo wa Izraeli.”+ 27 Samweli pidazungunuka iye toera kuenda, Sauli aphata tunika yace yakusowa mikono, mbwenye iyo yapanduka. 28 Penepo Samweli ampanga: “Lero, Yahova akupokosera umambo wa Izraeli, pontho iye anaupereka kuna munthu unango wakuti ndi wadidi kakamwe kupiringana iwe.+ 29 Kusiyapo pyenepi, Mulungu Wankulu wa Izraeli+ nee anacimwana+ kukwanirisa mafalace peno kucinja manyerezero ace,* thangwi Iye nee ndi munthu toera kucinja manyerezero ace.”*+

30 Penepo Sauli alonga: “Ine ndadawa. Mbwenye lekani kundipwaza pamaso pa akulu a mbumba yanga na pamaso pa Izraeli. Bwererani pabodzi na ine toera ndikalambire Yahova Mulungu wanu.”+ 31 Natenepa Samweli abwerera pabodzi na Sauli, pontho Sauli alambira Yahova. 32 Buluka penepo Samweli alonga: “Bweresani kuno Agagi mambo wa Aamaleki.” Natenepa Agagi aenda kuna iye mwakugopa,* thangwi Agagi akhanyerezera muntima mwace: ‘Mwandimomwene, ine nee ndinaphiwabve.’ 33 Mbwenye Samweli alonga: “Nakuti supada yako yacitisa akazi azinji kuluza ana, natenepa mai wako anadzakhalambo wakusowa ana.” Buluka penepo Samweli agwanda-gwanda Agagi pamaso pa Yahova ku Jiligale.+

34 Pidamala iye, Samweli aenda ku Rama, mbwenye Sauli aenda kunyumba kwace ku Jibheya. 35 Samweli nee aonanabve na Sauli mpaka kufa kwace, thangwi Samweli akhadatsukwala kakamwe na pidacita Sauli.+ Pontho Yahova asandikika thangwi yakukhazikisa Sauli ninga mambo wa Izraeli.+