Phembero Yakupereka Takhuta

1. Mambo Yahova ndimwe wantsisi,

Tinaimba mbatikusimbani.

Musabvesera maphembero athu.

Ndimwe nyakutsalakana wathu.

Tisaphemba na ntimathu onsene;

Mulekerere madawo athu.

Kufa kwa Yezu kwatiombola,

Tisafuna cipfundziso canu.

2. Anyakutsandzaya ndi onsene

Ale anapfundziswa na imwe.

Tisafuna khala mu nyumba yanu,

Titsogolerwe na mafalanu.

Mphambvu yanu ndi ikulu kakamwe,

Musaphedza atumiki anu.

Tinasimbambo Umambo wanu

Unadzafudza anyakuipa.

3. Musatitsalakana mwadidi;

Mulambirwe na anthu onsene.

Umambo wanu unadzamalisa

Kufa, utenda na kutsukwala.

Mwana wanu angafudza uipi

Tinadzakhala akutsandzaya.

Tiimbe mwakupembera kuti:

Simbani Yahova, Mambo wathu.