Cenjezo Kwa Anyakubala

Ndi muoni wanji wadidi kakamwe wakuti munakwanisa kupasa ananu? Pana pinthu pizinji pinafuna iwo, kuphatanizambo ufuni wanu, citsogolero, na citsidzikizo. Kupiringana pyenepi, muoni wakufunika kakamwe wakuti munakwanisa kuapasa ndi cidziwiso ca Yahova, na undimomwene unagumanika m’Mafalace, Bhibhlya. (Jwau 17:3) Cidziwiso ceneci cinaphedza ananu kufuna Yahova na kuntumikira na ntima onsene, ngakhale kutomera mu uwana wawo.—Mateo 21:16.

Anyakubala azinji asaona kuti anang’ono asakomerwa kakamwe na mapfundziro acigwagwa na mabasa. Natenepa, tiri akutsandzaya kubulusa bruxura ino, Pinapfundza Ine M’Bhibhlya. Pfundziro ibodzi na ibodzi yacitwa toera kupfundzisa mu njira yakukhonda nentsa. Pithundzithundzi na malemba pyakhunganywa makamaka toera kuphedza ana a thunga ya pyaka pitatu kuenda pantsi. Maonero a maphatiro a mabasa aphatanizwambo. Bruxura yakuti Pinapfundza Ine M’Bhibhlya si boneka toera ana asendzeke nayo tayu. Mbuto mwa pyenepi, yacitwa toera imwe muileri pabodzi na ananu, natenepa mbiphedza kucedza kwanu.

Tisanyindira kuti bruxura ino inadzakuphedzani kakamwe mu ndzidzi unapfundzisa imwe ananu undimomwene wa Bhibhlya ‘kutomera mu uwana.’​—2 Timoti 3:14, 15.

Abale anu,

Mathubo Akutonga a Mboni za Yahova

[Foto pa tsamba 3]