Pidziwiso

◼ Mabukhu akugawira m’Nthanda ya Thongwe: Khala mpingo uli na mabukhu a Conhecimento, anewa angakwanise kugawirwa, khala nkhabe, taphata miyendo gawirani mabruxura akuti Khalani Akulindira! peno Mulungu Alikuphembanji. Nthanda ya Madzalo: Katsamba konsene kanagumanika pa mpingo peno mabukhu akusala a Profecia de Isaías vol. I na II anagumanika pa mpingo. Nthanda ya Murope: Gawirani bukhu yakuti Biblya Isapfunzisanji na wangisirani towera kutomesa mapfunziro a Biblya. Nthanda ya Bwinja na ya Gonkho: Tinadzagawira A Sentinela na Despertai! Tingacita maulendo akubwerezera kwa anthu adapangiza kufuna, kuphataniza ale adagumanika pa Cikumbuso na/ peno pa pyakucitika pinango pyaumulungu mbwenye nee asagumanyikana m’nzidzi onsene na mpingo, wangisirani kugawira bukhu yakuti Biblya Isapfunzisanji, khalani na cifuno ca kutomesa pfunziro ya Biblya. Nthanda ya Khoni: Mulungu Alikuphembanji, Munakwanisa Kukhala Xamwali Wa Mulungu!, Quando Morre Alguém Que Amamos peno bruxura yonsene ya matsamba 32 inagumanika pa mpingo.

◼ Kutomera m’nthanda ya Madzalo, na mokhonda kupiringana ntsiku ya 4 ya nthanda ya Murope nkhani yapakweca ya munyang’aniri wa cisa inadzakhala na nsolo wakuti: “Kodi Mbani Anafuna Kudzathema Kupita M’dziko Ipswa Ya Mulungu?”

◼ Mabukhu athu a cilongero ca Cixina asabuluswa m’ntundu uwiri wa malembero. Anthu akubuluka ku Hong Kong na Taiwan kazinji kene asaleri malembero a mwambo, anacemera ife “Chinês” (CH). Axina anango azinji kazinji kene asaleri malembero akukhonda nensa anacemera ife “Chinês simplificado” (CHS). Nakuti malembero analeri munthu nkhabe bverana na malongero ace ngakhale alonge Cantonese, Mandarine, peno pilongero pinango pya m’dziko, ndi pyakufunika kwa munthu kusankhula malembero anafuna iye. Kabukhu kakuti Boas Novas para Pessoas de Todas as Nações, tsamba 16-17, kangakwanise kuphatisirwa towera kulandanisa. M’njira ineyi, panadzaphembwa mabukhu a malembero akuthema kwa munthu.

◼ Mipingo isafunika kucita masasanyiro akuthema towera kucita Cikumbuso ca caka cino Nciposi, ntsiku 2 za nthanda ya Bwinja dzuwa ingabira. Maseze nkhani ingakwanise kutomwa dzuwa mbisati bira, pidzindikiro pisafunika kutoma kuendeswa dzuwa ingabira. Bvunzani anadziwa pya ukhali wa kudambo towera kudziwa nzidzi unabira dzuwa pa cisa canu. Mpingo ubodzi na ubodzi usafunika kuyesera kucita Cikumbuso paokha. Mbwenye m’midzidzi inango pyenepi nkhabe kwanisika. Khala mipingo mizinji isaphatisira Nyumba ya Umambo ibodzi ene, panango mpingo ubodzi peno mizinji inakwanisa kukhunganya mbuto inango towera cikumbuso ceneci. Pingakwanisika, mbukudakhala pyadidi kuti pakati pa mpingo ubodzi na unango papite mphindi zakukhonda cepa 40 towera onsene aphindule mwadidi na nzidzi unoyu. Nyerezeranimbo kuinjipa kwa miotokala na pakuiikha, kuphataniza kutcita na kukwira kwa anthu. Nsoka wa akulu a mpingo usafunika kusankhula ntundu wa masasanyiro akuthema pa mpingo.

◼ Alembi a mipingo asafunika kuonesesa khala ali na Carta de designação de pioneiro (S-202) ya mpainiya m’bodzi na m’bodzi wa nzidzi onsene m’mpingo. Khala nkhabe nayo, asafunika kulembera ofesi ya filiali.

◼ Mwambo wa Mosambiki wa Basa ya unyankhondo usaphemba aphale na atsikana onsene adakwanirisa piaka 18 pyakubalwa, kuti aende kalembesa ku mbuto yakulembera. Nzidzi udaikhwa towera kulembesa ndi kutomera ntsiku 1 ya nthanda ya Thongwe mpaka 28 za nthanda ya Madzalo. Akulu a mpingo asafunika kukumbusa amwazi mphangwa akuti ali cifupi na piaka 18 pyakubalwa.

◼ Mabukhu Mapswa Anagumanika:

Kodi Mulungu Alikuphembanji Kuna Ife?—m’Cindau

Lambirani Mulungu Mbodzi Basi Wandimomwene—m’Cichuabo, m’Cimakuwa, m’Cisena, na m’Citshwa.