Pidziwiso

◼ Mabukhu anafuna kugawirwa Nthanda ya Nyenzi: Kodi Mwandimomwene Biblya Isapfunzisanji? Kuwangisira kwakupambulika kusafunika kucitwa towera kutomesa pfunziro ya Bhibhlya pa ulendo wakutoma. Khala anaciro nyumba ali nayo kale bukhu ineyi, pangizani kuti iwo anaphindula tani nayo mu kuapangiza mwacigwagwa macitiro a pfunziro ya Bhibhlya. Nthanda ya Malandalupya: Marevista A Sentinela na Despertai! Anthu angapangiza kufuna, pangizani na dingani katsamba kakuti Gostaria de aprender mais a respeito da Bíblia? na cifuno ca kutomesa pfunziro ya Bhibhlya yapanyumba. Nthanda ya Bingu: Kodi Mwandimomwene Biblya Isapfunzisanji? Wangisirani towera kutomesa mapfunziro a Bhibhlya. Nthanda ya Mainza: Bukhu Yanga Ya Mbiri Za Bibilya. Nthanda ya Thongwe ya 2009: Kodi Mwandimomwene Biblya Isapfunzisanji? Khala anaciro nyumba ali nayo kale bukhu ineyi, amwazi mphangwa anakwanisa kugawira bukhu yonsene yakukhala na matsamba 192 yakuti yadhindwa kale kakamwe mbikhala na matsamba akuti nkhabe nentsa khala na cikuikui peno bukhu inango yonsene yakudhindwa mbicisati fika caka 1992.

◼ Nakuti nthanda ya Bingu iri na masabudu na madimingu maxanu, ineyi inadzakhala nthanda yadidi ya kukhala mpainiya wakuphedza.

◼ Nkhani yapakweca yakupambulika ya n’dzidzi wa Cikumbuso ca 2009 inadzacitwa nkati mwa sumana 20 ya nthanda ya Bwinja ya 2009. Nsolo wa nkhani ineyi unadzadziwiswa kutsogolo. Mipingo inafuna kudzacedzeswa na muyang’aniri wa cisa peno inafuna kukhala na nsonkhano wa cisa peno wakupambulika sumana ineyi inadzacita nkhani ineyi sumana inzace. Nkhabe mpingo unafunika kucita nkhani yakupambulika mbisati fika sumana 20 ya nthanda ya Bwinja.

◼ Mipingo isafunika kutoma kuphemba mavulume A Sentinela na a Despertai! a 2008, Índice das Publicações da Torre de Vigia de 2008, na Watchtower Library—2008 ya mu CD-ROM na phembo yawo inafuna kudza. Taphata miyendo, onani kuti Watchtower Library—2008 ndi masasanyiro towera kuphedza amwazi mphangwa akubatizwa na akukhonda batizwa na munakwanisa kukhala nayo kubulukira m’mpingo basi. Amwazi mphangwa akuti asaphatisira kakamwe Watchtower Library na nkhabe phatisira mavolume asafunika kudinga mwadidi khala asafunika kuphemba mavolume peno nkhabe.

◼ M’bale wakusankhulwa na muyang’aniri wakutsogolera asafunika kudinga matsamba a kobiri ya mpingo a nthanda ya Khoni, Maluwa na Malimwe. M’bale anafuna kuphatisirwa towera kudinga matsamba anewa nkhabe kufunika kuti aphatisirwe pontho pa kudinga kunango tayu. Kudinga kweneku kungamala citwa, mpingo usafunika kudziwiswa pabodzi na lipoti ya kobiri inafuna kudza.—Onani Instruções para as Contas da Congregação (S-27).

◼ Ofesi ya filiali inadzafungwa N’sabudu, ntsiku 27 ya nthanda ya Nyenzi ya 2008, thangwi ya basa yathu ya kucenesa peno kupswaira inacitwa piaka pyonsene. Nkhabe kudzaoneka masasanyiro a kuenda kaona filiali pa ntsiku ineyi tayu.

◼ Texto do Ano de 2009 inadzatumizwa mwakukhonda kuiphemba, mbwenye, mipingo ipswa yakuti yakhazikiswa pakupita ntsiku 1 ya nthanda ya Nyenzi isafunika kutumiza phembo yawo. Texto do Ano de 2009 inadzagumanika mu Cicewa, Citsonga, Cixona na Cizungu. Texto do Ano isadhindwa na companhia inango, natenepa tiri kukukumbusani kuti mucite cakupereka towera tikwanise kulipa kobiri idabvungwa. Mipingo isafunika kumanika Texto do Ano pa ntsiku 1 ya nthanda ya Thongwe ya 2009.

◼ M’midzidzi inango ofesi ya filiali isatambira maformularyo a Pedido de Publicações (S-14) na maformularyo a Pedido de Revistas (M-202) akusowa dzina ya mpingo na kuinjipa kwa mabukhu anafunika. Pyenepi pingacitika pisakhala pyakunensa kutumiza phembo ineyi. Ndi thangwi yace tisaphemba kuti mulembi adinge mwacidikhodikho unyomonyomo unoyu munasinari iye na kutumiza formularyo.

◼ M’mbuto mwathu mwakukoyera mabukhu tiri na mabhruxura mazinji a Mulungu Alikuphembanji, natenepa tiri kuwangisa mipingo kuti iphembe mabhruxura anewa na aaphatisire mwadidi mu nthanda zakugawira mabhruxura.

◼ Tiri kukudziwisani kuti kutomera cincino kuenda kutsogolo tinathimizira lemba ya “h” pa malemba a “b” na “d.” Onani pitsanzo pingasi pantsi apa:

1) [bh]: “Bhibhlya” mbuto mwa Biblya

2) [dh]: “Dhanyeli” mbuto mwa Danyele

“B” na “d,” wakusowa “h,” asaphatisirwa m’mafala ninga awa:

1) [b]: Baba, Bira, Kubala.

2) [d]: Dondowe, Dotha, Ndodo.

◼ Mabukhu Mapswa Anagumanika:

Viva Tendo em Mente o Dia de Jeová— Tipo Grande (jdlp)—Cixona

◼ Disco Ipswa Ya MP3 Inagumanika Mu www.pr418.com :

Viva Tendo em Mente o Dia de Jeová—Cingerezi (Anaphatisira programu ya iPod anakwanisa kusankhula arkivo mu M4B (AAC), yakuti isaphataniza pithunzithunzi pya nsolo ubodzi na ubodzi). Cidzindikiro: Programu ineyi nee isagumanika mwakubverana na ndandanda tayu. Maseze gulu isacinja n’dzidzi onsene unathukuswa pinthu, njira ineyi yakugawira pinthu nee isabvunga maka kobiri tayu kupiringana kudhinda na kutumiza madisco.