Bhibhlya: Mphambvu Yayo mu Umaso Wanu

Bhibhlya yaphedza mamiliyau a anthu kucinja mwadidi umaso wawo. Kodi ndi midida ipi ya Bhibhlya yakuti tingaiphatisira inadzatiphedza kukunda nyatwa za ntsiku zathu? Mwakukhonda penula imwe munadzatsanzaya kugumana matawiro a mbvunzo unoyu mu kudinga nsolo wakuti A Bíblia: O Poder Dela na Sua Vida. Ineyi ndi khundu yaciwiri pa mavidyu matatu anagumanika mu DVD yakuti A Bíblia: Um Livro de Fatos e Profecias. Pakumala kuona vidyu ineyi, kodi munakwanisa kutawira mibvunzo iyi?

(1) Thangwi yanji tisalonga kuti Bhibhlya isapiringana mabukhu anango onsene? (Aheb. 4:12) (2) Khala Bhibhlya isakwanisa kuphedza anthu kulungamisa umaso wawo, thangwi yanji anthu azinji ali na nyatwa zikulu kakamwe? (3) Kodi ndi upi nsolo ukulu wa Bhibhlya? (4) Ndi malemba api a Bhibhlya anagumanika mu DVD akuti anakwanisa kuphedza anyakumanga banja (a) kucedza mwadidi na (b) kutonga kupfulika kwathu? (5) Kodi maonero a Nkristu a kumanga banja asalungamisa tani umaso wa banja? (Aef. 5:28, 29) (6) Kodi Yahova akhazikisa tani citsanzo cadidi kwa anyakubala? (Marko 1:9-11) (7) Kodi anyakubala anakwanisa tani kucitisa pfunziro ya banja kukhala yakutsanzayisa? (8) Kusiyapo pfunziro ya Bhibhlya, kodi ndi pinthu pipi pinango pinaphemba Mafala a Mulungu towera anyakubala apase ana awo? (9) Kodi uphungu wa Bhibhlya usaphedza tani mabanja kupulumuka na kobiri yakucepa? (10) Kodi ndi midida ipi ya Malemba yakubverana na unyai, kuphatisira mitombwe yakuledzeresa, kumwa mwakupiringana midida na kunenseka yakuti ingaphatisirwa inadzaphedza kupungula nyatwa za ungumi? (11) Kodi ndi mapikiro api a Bhibhlya akuti anakwanisa kutiphedza? (Yob. 33:25; Sal. 145:16) (12) Kodi pipfunziso pya Mafala a Mulungu pyakuphedzani tani kulungamisa umaso wanu? (13) Kodi munaphatisira tani vidyu ineyi towera kuphedza anango?