Ntsonga Zikulu za Basa ya M’Munda

Mu nthanda ya Maluwa kwabuluswa Bhibhlya yonsene ya Tradução do Novo Mundo das Escrituras Sagradas mu Cicewa. Mabhibhlya akukwana 165.500 atumizwa ku misonkhano ya gawo yakukwana 34. Pyenepi pikhaphemba kuwangisira kwa abale na alongo azinji akuperekeka. Mwacitsanzo, miotokala mikulu mitatu yatuta matonelada 96 a Mabhibhlya kubulukira ku Beteli mpaka kwa anthu akhadikhira ku zimbuto za nsonkhano. Ofesi ya filiali yatambira matsamba mazinji akupereka takhuta thangwi ya Mafala a Mulungu anewa akuthumburuzwa mwadidi na akukhonda nentsa kuleri mu cilongero cawo. Mwakukhonda penula Bhibhlya ineyi inadzakhala nkhombo m’basa yakucita anyakupfunza. Kusiyapo pyenepi, caka cino kwacitwa nsonkhano wa gawo wakutoma mu Cimakuwa na kwacitwambo drama yakutoma mu Citshwa. Tisanyindira kuti kuwangisira kunacitwa na amwazi mphangwa azinji a umambo toera kulonga na anthu onsene mu cisa cathu kunadzabweresa maphindu mazinji.