Ntsonga Zikulu za Basa ya M’Munda

Mu kutawira phembo idacita Mathubo Akutonga toera kuthimizira basa mu nthanda ya Bwinja, takhala na kuthimizirika kukulu kwakupiringana kuthimizirika konsene kwa apainiya akuphedza akukwana 5.724. Kwathimizirika apainiya akukwana 4.500, kupiringana medya za nthanda 12 zidapita, kutomera pa nthanda ya Murope ya 2010 mpaka pa nthanda ya Murope ya 2011. Natenepa, maseze mipingo inango ikhadzati kupereka lipoti yawo pa ndzidzi ukhakhunganywa mphangwa izi, kuwangisira kwacitwa toera kucemera anthu kuti agumanike pa Cikumbuso. Ninga maphindu a kuwangisira kweneku anthu akukwana 260.833 agumanika pa Cikumbuso, kuthimizirika kwakupiringana maulendo 5 kwa numero ya amwazi mphangwa. Ciphedzo canu cakukhulupirika mu kumwaza ‘mphangwa zadidi za Umambo’ mu nthanda ya Bwinja kusapereka cipangizo ca ufuni wanu na kupereka kwanu takhuta kwa Yahova na Yezu Kristu.—Mat. 24:14.