Pidziwiso

◼ Mabukhu anafuna kugawirwa mu nthanda ya Madzalo: Amwazi mphangwa anakwanisa kugawira mabukhu awa: Existe um Criador Que Se Importa com Você?, A Bíblia—Palavra de Deus ou de Homem? Pinacitisa Banja Kukhala Yakutsanzaya. Murope: Kodi Mwandimomwene Biblya Isapfunzisanji? Wangisirani toera kutomesa mapfundziro a Bhibhlya pa ulendo wakutoma. Khala mwanaciro nyumba ali nayo kale bukhu ineyi mbwenye nee atawira pfundziro ya Bhibhlya, amwazi mphangwa anakwanisa kugawira marevista akale peno bruxura yonsene yakuti isabverana na cifuno ca munthu.

◼ Nkhani yakupambulika yapakweca inafuna kudzacitwa pakumala sumana ya Cikumbuso inadzakhala na nsolo wakuti “Kumala Kuli Cifupi Kupiringana Munanyerezera Imwe?”

◼ Ndzidzi onsene unacita munthu masasanyiro a kuenda kaona dziko yakuti nee isagumanika pa ndandanda ya lipoti ya basa ya caka cino peno mbuto yakuti nee yalembwa pa tsamba yakumalisa ya Anuário, taphata miyendo, pitani n’cibverano na ofesi ya filiali ya dziko yanu toera akupangeni kuti ninji pisafunika imwe kucita peno akupaseni pitsogolero pyakupambulika toera mupitowezere. Panango basa ya Umambo mu dziko ineyi ikutcingwa. (Mat. 10:16) M’madziko anango nee pinakhala pyandzeru kwa ale anaenda kaona kupita n’cibverano na Amboni peno mipingo ya pacisa. Pitsogolero pinango pinakwaniswa kuperekwa kwa imwe pinalonga thangwi ya umboni wantsusukano peno kukwata ntsama ya mabukhu. Kubvera kwanu citsogolero ici kunadzaphedza kucalira nyatwa kwa imwe peno kwa basa ya Umambo mu dziko inaenda imwe kaona.—1 Akor. 14:33, 39.