Pidziwiso

◼ Mabukhu anafuna kugawirwa mu Nthanda ya Murope: Kodi Mwandimomwene Biblya Isapfunzisanji? Wangisirani toera kutomesa mapfundziro a Bhibhlya pa ulendo wakutoma. Khala mwanaciro nyumba ali nayo kale bukhu ineyi mbwenye nee atawira pfundziro ya Bhibhlya, amwazi mphangwa anakwanisa kugawira marevista akale peno bruxura yonsene yakuti isabverana na cifuno ca munthu.

◼ Cikumbuso ca caka cino cinadzacitwa n’Cinai, ntsiku 5 ya nthanda ya Bwinja ya 2012. Khala mpingo wanu usacita misonkhano n’Cinai, misonkhano ineyi isafunika kucitwa pa ntsiku inango ya sumana yakuti Nyumba ya Umambo nkhabe kuphatisirwa. Khala nkhabe kwanisika kucita pa ntsiku inango, pontho Nsonkhano wanu wa Basa wakhuyiwa, natenepa makhundu akufunika kakamwe m’mpingo mwanu angakwanise kuphatanizwa pa Nsonkhano unango wa Basa.

◼ Mavidyu mawiri akuti Os Jovens Perguntam, Como Fazer Verdadeiros Amigos?, na O Que Fazer da Minha Vida?, anadzadingwa pa Misonkhano Ya Basa inafuna kudza. Khala musaafuna, munakwanisa kuaphemba mwakucimbiza kubulukira m’mpingo wanu.

◼ Na cifuniro cakuthimizira kumwaza mphangwa za Umambo kwa ‘anthu onsene na anthu a malongero onsene’ ninga munalonga Bhibhlya pa Apokalipse 14:6, Filiali ya Mosambiki isafuna mboni za Yahova zakubatizwa zakuti zisakwanisa kulonga, kuleri na kulemba mwadidi pilongero pya n’dziko yathu. Khala musakwanisa kulonga, kuleri na kulemba mwadidi cilongero cibodzi ca n’dziko yathu, dziwisani Komiti Yakuyang’anira Basa ya mpingo wanu peno muyang’aniri wanu wa cisa. Iwo anadzapita n’cibverano na filiali mwakucimbiza.