Pidziwiso

◼ Mabukhu anafuna kugawirwa mu Nthanda ya Nyenzi na Malandalupya: Marevista A Sentinela na Despertai!. Munacita imwe maulendo akubwereza, pangizani bukhu Biblya Isapfunzisanji, peno mwakubverana na pyakufuna pya munthu munakwanisa kugawira mabruxura Bverani Mulungu toera Mukhale Kwenda na Kwenda peno Bverani Mulungu, pontho yeserani toera kutomesa pfundziro ya Bhibhlya.

◼ Kutomera mu nthanda ya Nyenzi, ayang’aniri a cisa anadzacita nkhani ya nsolo wakuti “Andar com Deus traz bênçãos agora e para sempre”.

◼ Nakuti caka ca basa ca 2012 ciri cifupi na kumala, tiri kukumbusa amwazi mphangwa onsene kuti apereke malipoti awo a basa ya m’munda kwa muyang’aniri wawo wa nsoka peno nyakuphedza muyang’aniri pakumala kwene kwa nthanda. Tingacita pyenepi, tonsene tinadzacita khundu toera tipereke lipoti yakulinganira na yakuwangisa pa nthanda ya Malimwe.

◼ Akulu a mpingo ali kukumbuswa toera kutowezera mwacidikhodikho pitsogolero pinagumanika pa matsamba 21-23 a A Sentinela ya 15 de Abril de 1991, inalonga pya anthu adabuluswa peno adabulusika okhene m’mpingo akuti asafuna kubwerera.

◼ Thangwi ya programu inaphataniza banja yonsene ya Beteli, na basa yakucenesa Beteli mu caka 2012, Beteli inadzafungwa kwa anthu anafuna kudzaona mu ntsiku ziwiri izi: N’Cixanu 21 ya nthanda ya Nyenzi ya 2012, na n’Cixanu 21 ya nthanda ya Mainza ya 2012. Na thangwi ineyi, nkhabe kudzacitwa masasanyiro akuona Beteli mu ntsiku zenezi. Tiri kupereka takhuta na kubvesesa kwanu.