Pidziwiso
◼ Mabukhu anafuna kugawirwa mu nthanda ya Khoni: Kodi Mwandimomwene Biblya Isapfunzisanji?, peno ibodzi mwa matratado mapswa. Maluwa: Mphangwa Zadidi Za Mulungu!, peno ibodzi mwa mabruxura awa a matsamba 32: Bverani Mulungu, Bverani Mulungu toera Mukhale Kwenda na Kwenda, na Munakwanisa Kukhala Xamwali wa Mulungu! Malimwe: Kampanya toera kugawira tratado ipswa jw.org. Panyumba ibodzi na ibodzi wangisirani toera kusiya tratado inadziwisa pya Web site jw.org. Munjira inango, mu pisa pyakuti nkhabe Interneti, dingani kuti munagawira tani tratado pabodzi na bruxura Mphangwa Zadidi Za Mulungu!, peno pabodzi na mabruxura awa a matsamba 32: Bverani Mulungu, Bverani Mulungu toera Mukhale Kwenda na Kwenda, na Munakwanisa Kukhala Xamwali wa Mulungu.
◼ Tisawangisa abale toera kudinga pikumbuso pya nsonkhano wa gawo pinagumanika mu Utumiki Wathu Wa Umambo wa Bwinja 2014.
◼ Kutomera kunkhomo kwa caka ca basa ca 2014, Xikola Ya Basa Ya Upainiya inadzapfundziswa mu ntsiku zitanthatu, kutomera n’Ciposi mpaka n’Sabudu.