Pidziwiso

◼ Mabukhu anafuna kugawirwa mu nthanda ya Nyendzi na Malandalupya 2015: Marevista a Ncenjezi na Despertai!. Bingu na Maindza 2015: Kodi Mwandimomwene Bhibhlya Isapfundzisanji? peno ibodzi mwa matratado onsene mapswa anagumanika pa mpingo; Kodi Musafuna Kudziwa Undimomwene? Thongwe na Madzalo 2016: Mphangwa Zadidi Za Mulungu! peno ibodzi mwa mabruxura a matsamba 32 anatowera: Bverani Mulungu toera Mukhale Kwenda na Kwenda, Bverani Mulungu, Munakwanisa Kukhala Xamwali Wa Mulungu!, Verdadeira Fé—O Segredo De Uma Vida Feliz (yacitirwa Mamusulumano).

◼ Nkhani yapakweca yakupambulika mu ndzidzi wa Cikumbuso ca 2016 inadzacitwa nkati mwa sumana 28 ya Murope. Nsolo wa nkhani ineyi unadzadziwiswa ntsogolo. Mipingo yakuti inadzakhala na nsonkhano wa cisa peno kudzacedzeswa na muyang’aniri wa cisa pa sumana ineyi, inadzacita nkhani ineyi pa sumana indzace. Nkhabe mpingo unafunika kucita nkhani yakupambulika mbisati fika sumana 28 ya Murope.

◼ Departamentu ya Kuthumburuza ya ofesi ya filiali isafuna abale na alongo akukhonda manga banja peno akumanga banja akuti nee ali na ana peno ali na ana akuti asatsalakanika okhene, toera kuphedzera basa ya kuthumburuza mu pilongero pinatowerera: Cibarwe, Ciemarevone, Cikimwani, Cikunda, Cilolo, Cimakua-Exirima, Cimakonde na Cimarenje. Khala imwe musalonga cibodzi mwa pilongero pyenepi na muli dzololo toera kuphedzera taphata miyendo, longani na m’bveranisi wa nsoka wa akulu a mpingo wa mpingo wanu.