Ntsonga Zikulu za Basa ya M’Munda

Tiri akutsandzaya kukudziwisani kuti mu nthanda ya Murope kwaoneka kuthimizirika m’makhundu matatu m’basa yathu ya m’munda. Kwagawirwa mabukhu 45.528, matratado na mabruxura 760.415 na marevista 555.326. Pontho, mwa mapurusento akupiringana 15 a amwazi mphangwa 53.268 adapereka lipoti atumikira ninga apainiya a ndzidzi onsene na akuphedza. Ndi kwakutsandzayisa kupitiriza kuphata basa pabodzi na Yahova m’basa ikulu yakubvuna mwauzimu.​—Sal. 145:21; Jwau 4:35.