Ndandanda ya Upainiya wa Ndzidzi Onsene

Upainiya wa ndzidzi onsene usaphemba ndandanda yadidi. Mungaphatisira midzidzi 18 pa sumana mu utumiki, munakwanisa kukhala mpainiya​—mbamupitiriza kukhala na ndzidzi wakupuma! Ndandanda ineyi isaphedza, maseze pangacitika pinthu pyakukhonda dikhira, panango thangwi ya utenda peno kucinja kwa makhaliro akudambo. Bokosi iri pantsi apa isapereka maonero kuna amwazi mphangwa akuti asaphata basa ntsiku zinango, ntsiku zonsene peno akuti ali na nyatwa ya ungumi. Tingacita macinjo mangasi, panango m’bodzi wa m’banja yathu anakwanisa kutoma kutumikira ninga mpainiya wa ndzidzi onsene mu nthanda ya Nyendzi. Ndiye tani kucedza pyenepi nkati mwa kulambira kwanu kwa banja kunafuna kudza?