Kampanya Yakupambulika Toera Kugawira Ncenjezi mu Nthanda ya Nyendzi

Pa dziko yonsene anthu asafuna cibalangazo. (Koel. 4:1) Nkati mwa nthanda ya Nyendzi, tinadzawangisira toera kucita kampanya yakupambulika yakugawira Ncenjezi unalonga pya cibalangazo. Citani pyonsene pinakwanisa imwe toera kugawira anthu azinji revista ineyi. Nakuti tisafuna kucedza na anthu toera kuabalangaza, nee tisafunika kusiya marevista panyumba inakhonda ife kugumana munthu.

TINALONGANJI

“Midzidzi inango ife tonsene tisafuna cibalangazo. Mphapo tinacigumana kupi? [Lerini 2 Akorinto 1:3, 4.] Revista iyi ya Ncenjezi isafokotoza kuti Mulungu asatibalangaza tani tingathimbana na nyatwa.”

Munthu angapangiza cifuno mbatawira revista, . . .

MPANGIZENI VIDYU THANGWI YANJI TISAFUNIKA KUPFUNDZA BHIBHLYA?

Buluka penepo, m’phembeni toera kupfundza Bhibhlya.

CITANI MASASANYIRO A ULENDO WAKUBWEREZA

Citani mbvundzo wakuti munadzautawira paulendo wakubwereza, ninga uyu: “Thangwi yanji Mulungu asatawirisa nyatwa?”