‘Mamunace Asadziwika Mwadidi Pansuwo wa Nzinda’

Nkazi wadidi asaphedzera toera mamunace alemedzwe na anango. Mu ntsiku za Mambo Lamwele, mamuna wakuti akhali na nkazi wadidi ‘akhadziwika mwadidi pansuwo wa nzinda.’ (Mis.31:23) Lero, amuna akuthema asatumikira ninga akulu a mpingo na atumiki akutumikira. Khala ndi akumanga banja, toera apitirize na miyai ineyi yakutumikira pisanyindira makhaliro adidi a akazawo na kuphedzera kwawo. (1 Tim. 3:4, 11) Akazi anewa asasimbwa kakamwe, tayu na amuna awo basi, mbwenye asasimbwambo mu mpingo.

Nkazi wadidi asaphedzera tani mamunace toera kukhala nkulu wa mpingo peno ntumiki wakutumikira wadidi?

• Iye asawangisa mamunace na mafala adidi.—Mis. 31:26

• Asagawana mamunace na mpingo.—1 Ates. 2:7, 8

• Asakomerwa na umaso wakukhonda funa pizinji.—1 Tim. 6:8

• Nee asasaka kudziwa pinthu pyacibisobiso pinatsalakana mamunace mu mpingo.—1 Tim. 2:11, 12; 1 Ped. 4:15