‘Bvekesani Kuti Wafika Ndzidzi wa Mulungu Toera Kupulumusa Mbumba Yace’

‘Ndzidzi wa Mulungu Toera Kupulumusa Mbumba Yace’

Iza. 61:1, 2

• Unoyu ndi ndzidzi unapasa Yahova anthu akucepeseka mwai wakucita pinthu mwakubverana na mphangwa zadidi zinamwazwa

• Mu pyaka dzana yakutoma, ndzidzi unoyu watoma mu caka 29 N.W., mudatoma Yezu utumiki wace na wamala mu ‘ntsiku yakutonga’ ya Yahova mudafudzwa Yerusalemu mu caka 70 N.W.

• Mu ntsiku zathu zino, ndzidzi unoyu watoma mu caka 1914 mudakhazikiswa Yezu ninga mambo kudzulu na unadzamala pa nyatwa ikulu

Yahova asapasa nkhombo mbumba yace kubulukira mu ‘miti mikulu yaulungami’

Iza. 61:3, 4

• Miti mikulu kakamwe pa dziko yapantsi, kazinji kene isakula pabodzi pene ntsanga, pontho muti ubodzi na ubodzi usaphedza undzace

• Mitcici ya miti ineyi isamangana-mangana na isacitisa kuti iyo ikhonde kugwa m’midzidzi ya pyondzi pikulu

• Miti ming’ono isatsidzikizwa na mithundzi ya miti ineyi mikulu, pontho masamba anagwa m’miti ineyi asacitisa kuti mataka akhale na ndimu

Anthu onsene anacita khundu ya mpingo Wacikristu asaphedzeka na citsidzikizo ca ‘miti ineyi mikulu yaulungami,’ yakuti isaimirira anyakudzodzwa akuti aciri pa dziko yapantsi