Calirani Misampha Yakuphatisira Mwakuipa Interneti

THANGWI YANJI MPHYAKUFUNIKA: Ninga pinacitika na maferamentu mazinji, interneti inakwanisa kutiphedza peno kufudza uxamwali wathu na Mulungu. Akristu anango asacalira makhundu a interneti anaphatisirwa toera kupita ncibverano na anango. Anango asaphatisira makhundu anewa toera kupita ncibverano na acibale na axamwali awo. Mbwenye Dyabo asafuna kuti tiphatisire interneti munjira yakuipa toera tiluze uxamwali wathu na Yahova. Natenepa ninga Yezu, tinakwanisa kuphatisira midida ya m’Bhibhlya toera kudzindikira misampha ineyi na kuicalira.—Luk. 4:4, 8, 12.

MISAMPHA INAFUNIKA IFE KUCALIRA:

• Kuphatisira interneti mu ndzidzi uzinji. Kumala ndzidzi uzinji mbitikaphatisira interneti kunaticitisa kusowa ndzidzi wakucita pinafuna Yahova

  Pinalonga Bhibhlya: Aef. 5:15, 16; Afil. 1:10

• Kuona pinthu pyakuipa. Kuona pithundzithundzi pyakuti pinakulumiza kupita m’mabonde, mukupita kwa ndzidzi kunaticitisa kukhala na nsambo wakuona ucipezipezi peno wakucita ulukwali. Pontho kuleri mphangwa peno kupita mu site ya anthu akupanduka kunafewesa cikhulupiro cathu

  Pinalonga Bhibhlya: Mat. 5:28; Afil. 4:8

• Kulemba mphangwa peno kuikha mafoto akukhonda thema. Nakuti ntima usanyengeza, munthu anakwanisa kukulumizika toera kulemba mphangwa peno kuikha mafoto akukhonda thema mu interneti. Mbwenye kucita pyenepi kunakwanisa kufudza makhaliro adidi a munthu peno kugwegwedusa anango

  Pinalonga Bhibhlya: Arom. 14:13; Aef. 4:29

ONANI VIDHYU YAKUTI SÊ CUIDADOSO AO USARES REDES SOCIAIS, BULUKA PENEPO ONANI KUTI TINACALIRA TANI MAKHUNDU AWA: