MPFUMA ZA MAFALA A MULUNGU | JWAU 5-6
Towererani Yezu na Cifuno Cadidi
Yezu alonga nsangani wakuti anyakupfundzace nee aubvesesa, natenepa anango agwegweduka peno atsukwala. Mbwenye ikhadapita ntsiku ibodzi kutomera ndzidzi udaadyesa Yezu mwacirengo toera kuapangiza kuti mphambvu zace zikhabuluka kuna Mulungu. Mphapo thangwi yanji iwo agwegweduka na mafalace? Panango iwo agwegweduka thangwi akhatowerera Yezu na cifuno cakuphonyeka. Iwo akhatowerera Yezu thangwi yakufuna pinthu pyakumanungo.
M’bodzi na m’bodzi wa ife asafunika kubvundzika: ‘Thangwi yanji ndisatowerera Yezu? Kodi ndisantowerera thangwi ya nkhombo zinatambira ine cincino na zinafuna kutambira ine ntsogolo? Peno ndisantowerera thangwi yakufuna Yahova na kucita pinafuna iye?’
Thangwi yanji panango tinagwegweduka tingatumikira Yahova makamaka na mathangwi anatowera?
Tisakomerwa kukhala pabodzi na atumiki a Mulungu
Tisafuna kukhala m’Paraizu