Mpingo Wacikristu Watambira Nzimu Wakucena

Mabasa 2:1-8, 14, 37, 38, 41-47

Ayuda azinji akhali pa Pentekoste ku Yerusalemu ya caka 33 pakumala kubalwa kwa Kristu akhali a madziko akusiyana-siyana. (Mabasa 2:9-11) Iwo akhabvera Mwambo wa Mose, ngakhale kuti akhali a dziko inango kutomera mu uwana wawo. (Yer. 44:1) Na thangwi ineyi, anango nee akhaonekabve ninga Ayuda, thangwi makhaliro awo na malongero awo akhali ninga a dziko inango. Mwa anthu anewa adabuluka madziko anango cifupi na 3.000 abatizwa. Pyenepi pyacitisa anthu a madzindza akusiyana-siyana apite mu mpingo Wacikristu. Mwakukhonda tsalakana mbuto zidabuluka iwo, ‘ntsiku zonsene iwo akhasonkhana mu templo, mbakhala na cifuniro cibodzi cene.’—Mabasa 2:46.

Kodi imwe munapangiza tani kuti musatsalakana . . .

• anthu a ncisa canu adabuluka madziko anango?

• abale na alongo ali mu mpingo mwanu adabuluka madziko anango?