Paulu Akwira Xitima ya m’Madzi Mbaenda ku Roma

Mabasa 27:23, 24; 28:1, 2, 16, 17

Maseze Paulu akhali nkaidi, mbwenye iye cipo asiya kumwaza mphangwa. Pikhali iye mu xitima ya m’madzi, iye abandza mwai unoyu toera kumwazira mphangwa onsene akhali mwenemu. Mu ndzidzi udalobzweka xitima pa ntsuwa inacemerwa Malta, mwakukhonda penula iye abandza mwai unoyu toera kumwaza mphangwa kwa ale adawangisa iye. Pidafika iye ku Roma amala ntsiku zitatu, buluka penepo acemeresa atsogoleri a Ayuda toera kuamwazira mphangwa. Pontho nkati mwa pyaka piwiri pikhali iye nkaidi, iye amwazira mphangwa onsene akhabwera kudzamuona.

Kodi imwe munacitanji toera kumwaza mphangwa zadidi maseze makhaliro anu nee asakutawirisani kucita pizinji?