Kodi Yahova Anakomerwa?

Mbatidzati kucita pisankhulo pikulu peno ping’ono, tisafunika kubvundzika, ‘Kodi Yahova anakomerwa?’ Ife cipo tinakwanisa kudziwa pyonsene pinanyerezera Yahova, mbwenye iye asatipanga pyonsene kubulukira m’Mafalace, mbatikhunganya toera “kucita mabasa adidi onsene.” (2 Tim. 3:16, 17; Aroma 11:33, 34) Yezu akhabvesesa mwadidi cifuno ca Yahova, natenepa cinthu cakufunika mu umaso wace cikhali kucita cifuno ca Babace. (Juw. 4:34) Mukutowezera Yezu, ife tisafunika kucita pyonsene pinakwanisa ife toera kucita pisankhulo pinakomeresa Yahova.—Juw. 8:28, 29; Aef. 5:15-17.

ONANI VIDHYU YAKUTI COMPREENDA QUAL É A VONTADE DE JEOVÁ (LEV. 19:18), BULUKA PENEPO TAWIRANI MIBVUNDZO IYI:

• Thangwi yanji tisafunika kuphatisira midida ya Bhibhlya mu umaso wathu?

• Ndi midida ipi ya Bhibhlya yakuti inakwanisa kutiphedza pakusankhula nyimbo?

• Ndi midida ipi ya Bhibhlya yakuti inakwanisa kutiphedza pakusankhula nguwo na mabvaliro athu?

• Ndi makhundu api anango a umaso wathu akuti tisafunika kuphatisira midida ya Bhibhlya?

• Tinakwanisa tani kudziwa mwadidi pinafuna Yahova?