“Pitirizani Kunyerezera Pinthu Pyenepi”

Pinthu pipi? Lemba ya Afilipi 4:8 isalonga kuti tisafunika kunyerezera pinthu pyonsene pyakuti ndi pyandimomwene, pyakufunika, pyakulungama, pyakucena, pyakuthema kufuniwa, pyakulongwa mwadidi, pyadidi, na pyakuthema kusimbwa. Pyenepi nee pisabveka kuti Akristu asafunika kunyerezera pya Bhibhlya ndzidzi onsene. Mbwenye, asafunika kunyerezera pinthu pinakomeresa Yahova, tayu kufewesa kutonga kwathu kwakukhala wakukhulupirika kuna iye.—Masal. 19:14.

Panango pinanentsa kucalira manyerezero akuipa. Thangwi nee tisathimbana na kusowa kwathu ungwiro basi, mbwenye tisathimbanambo na Sathani, “mulungu wa makhaliro a dziko ino.” (2 Akor. 4:4) Nakuti ndiye asaonera pyakumwaza mphangwa pya dziko, pyenepi pisapangiza kuti pizinji pinalongwa mu televizau, mu radyo, mu interneti na m’matsamba a mphangwa ndi pyakukhonda thema. Tisafunika kucita mphole-mphole na pinthu pinaikha ife m’manyerezero athu thangwi pinakhuya pinanyerezera ife na pinacita ife.—Tiya. 1:14, 15.

ONANI VIDHYU YAKUTI CALIRANI MAKHALIRO ANAFUDZA KUKHULUPIRIKA—UBALANGAZI WAKUIPA, BULUKA PENEPO TAWIRANI MIBVUNDZO IYI:

• 

  Kodi m’bale akhaonanji mu ntokodzi, pontho pyenepi pyankhuya tani?

• 

  Lemba ya Agalata 6:7, 8 na Masalmo 119:37 am’phedza tani?