Kodi Musalemedza Mafala a Mulungu?

M’Bhibhlya muli na manyerezero na mafala a Yahova Mulungu wakuti ndi mwanaciro bukhu ineyi yakupambulika. (2 Ped. 1:20, 21) Bhibhlya isapangiza pakweca kuti Yahova anapangiza kuti ndiye adathema kutonga, pontho anadzaphatisira Umambo wace toera kucinja dziko yapantsi kudza paraizu. Na thangwi ineyi, tonsene tisadikhira kuti ntsogolo pinthu pinadzakhala mwadidi kakamwe. Bhibhlya isapangizambo kuti Babathu wakudzulu Yahova ndi waufuni.—Masal. 86:15.

Tonsene tiri na mathangwi akusiyana-siyana toera kulemedza Mafala a Yahova. Ife tisapangiza kuti tisalemedza Mafala a Mulungu tingaaleri ntsiku zonsene mbatiphatisira mu umaso wathu pinalonga iwo. Macitiro athu asafunika kupangiza kuti tiri na mabvero mabodzi ene ninga a nyamasalmo adalonga kuti: ‘Ndisakomerwa kakamwe na mwambo wanu!’—Masal. 119:97.

ONANI VIDHYU YAKUTI IWO AKHALEMEDZA BHIBHLYA (WILLIAM TYNDALE), BULUKA PENEPO TAWIRANI MIBVUNDZO IYI:

• 

  Thangwi yanji William Tyndale athumburuza makhundu anango a Bhibhlya?

• Thangwi yanji kuwangisira kudacita iye toera kuthumburuza Bhibhlya kukhali kwakudzumatirisa kakamwe?

• Makopya a Bhibhlya ya Tyndale aendeswa tani mwacibisobiso ku Inglatera?

• Tinapangiza tani kuti tisalemedza Mafala a Mulungu?